| Library / Tipiṭaka / ਤਿਪਿਟਕ • Tipiṭaka / ਕਥਾવਤ੍ਥੁਪਾਲ਼ਿ • Kathāvatthupāḷi |
੮. ਅਟ੍ਠਮવਗ੍ਗੋ
8. Aṭṭhamavaggo
(੭੬) ੪. ਕਾਮਕਥਾ
(76) 4. Kāmakathā
੫੧੩. ਪਞ੍ਚੇવਾਯਤਨਾ ਕਾਮਾਤਿ? ਆਮਨ੍ਤਾ। ਨਨੁ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਛਨ੍ਦੋਤਿ? ਆਮਨ੍ਤਾ। ਹਞ੍ਚਿ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਛਨ੍ਦੋ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਞ੍ਚੇવਾਯਤਨਾ ਕਾਮਾ’’ਤਿ। ਨਨੁ ਅਤ੍ਥਿ ਤਪ੍ਪਟਿਸਂਯੁਤ੍ਤੋ ਰਾਗੋ ਤਪ੍ਪਟਿਸਂਯੁਤ੍ਤੋ ਛਨ੍ਦੋ ਤਪ੍ਪਟਿਸਂਯੁਤ੍ਤੋ ਛਨ੍ਦਰਾਗੋ ਤਪ੍ਪਟਿਸਂਯੁਤ੍ਤੋ ਸਙ੍ਕਪ੍ਪੋ ਤਪ੍ਪਟਿਸਂਯੁਤ੍ਤੋ ਰਾਗੋ ਤਪ੍ਪਟਿਸਂਯੁਤ੍ਤੋ ਸਙ੍ਕਪ੍ਪਰਾਗੋ ਤਪ੍ਪਟਿਸਂਯੁਤ੍ਤਾ ਪੀਤਿ ਤਪ੍ਪਟਿਸਂਯੁਤ੍ਤਂ ਸੋਮਨਸ੍ਸਂ ਤਪ੍ਪਟਿਸਂਯੁਤ੍ਤਂ ਪੀਤਿਸੋਮਨਸ੍ਸਨ੍ਤਿ? ਆਮਨ੍ਤਾ । ਹਞ੍ਚਿ ਅਤ੍ਥਿ ਤਪ੍ਪਟਿਸਂਯੁਤ੍ਤਂ ਪੀਤਿਸੋਮਨਸ੍ਸਂ, ਨੋ ਚ વਤ ਰੇ વਤ੍ਤਬ੍ਬੇ – ‘‘ਪਞ੍ਚੇવਾਯਤਨਾ ਕਾਮਾ’’ਤਿ।
513. Pañcevāyatanā kāmāti? Āmantā. Nanu atthi tappaṭisaṃyutto chandoti? Āmantā. Hañci atthi tappaṭisaṃyutto chando, no ca vata re vattabbe – ‘‘pañcevāyatanā kāmā’’ti. Nanu atthi tappaṭisaṃyutto rāgo tappaṭisaṃyutto chando tappaṭisaṃyutto chandarāgo tappaṭisaṃyutto saṅkappo tappaṭisaṃyutto rāgo tappaṭisaṃyutto saṅkapparāgo tappaṭisaṃyuttā pīti tappaṭisaṃyuttaṃ somanassaṃ tappaṭisaṃyuttaṃ pītisomanassanti? Āmantā . Hañci atthi tappaṭisaṃyuttaṃ pītisomanassaṃ, no ca vata re vattabbe – ‘‘pañcevāyatanā kāmā’’ti.
੫੧੪. ਨ વਤ੍ਤਬ੍ਬਂ – ‘‘ਪਞ੍ਚੇવਾਯਤਨਾ ਕਾਮਾ’’ਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਪਞ੍ਚਿਮੇ, ਭਿਕ੍ਖવੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁવਿਞ੍ਞੇਯ੍ਯਾ ਰੂਪਾ…ਪੇ॰… ਕਾਯવਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਭਿਕ੍ਖવੇ, ਪਞ੍ਚ ਕਾਮਗੁਣਾ’’ਤਿ। ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਪਞ੍ਚੇવਾਯਤਨਾ ਕਾਮਾਤਿ।
514. Na vattabbaṃ – ‘‘pañcevāyatanā kāmā’’ti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, bhikkhave, pañca kāmaguṇā’’ti. Attheva suttantoti? Āmantā. Tena hi pañcevāyatanā kāmāti.
ਪਞ੍ਚੇવਾਯਤਨਾ ਕਾਮਾਤਿ? ਆਮਨ੍ਤਾ। ਨਨੁ વੁਤ੍ਤਂ ਭਗવਤਾ – ‘‘ਪਞ੍ਚਿਮੇ, ਭਿਕ੍ਖવੇ, ਕਾਮਗੁਣਾ! ਕਤਮੇ ਪਞ੍ਚ? ਚਕ੍ਖੁવਿਞ੍ਞੇਯ੍ਯਾ ਰੂਪਾ…ਪੇ॰… ਕਾਯવਿਞ੍ਞੇਯ੍ਯਾ ਫੋਟ੍ਠਬ੍ਬਾ ਇਟ੍ਠਾ ਕਨ੍ਤਾ ਮਨਾਪਾ ਪਿਯਰੂਪਾ ਕਾਮੂਪਸਂਹਿਤਾ ਰਜਨੀਯਾ – ਇਮੇ ਖੋ, ਭਿਕ੍ਖવੇ, ਪਞ੍ਚ ਕਾਮਗੁਣਾ । ਅਪਿ ਚ, ਭਿਕ੍ਖવੇ, ਨੇਤੇ ਕਾਮਾ ਕਾਮਗੁਣਾ ਨਾਮੇਤੇ ਅਰਿਯਸ੍ਸ વਿਨਯੇ વੁਚ੍ਚ’’ਨ੍ਤਿ –
Pañcevāyatanā kāmāti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, bhikkhave, pañca kāmaguṇā . Api ca, bhikkhave, nete kāmā kāmaguṇā nāmete ariyassa vinaye vucca’’nti –
‘‘ਸਙ੍ਕਪ੍ਪਰਾਗੋ ਪੁਰਿਸਸ੍ਸ ਕਾਮੋ,
‘‘Saṅkapparāgo purisassa kāmo,
ਨ ਤੇ ਕਾਮਾ ਯਾਨਿ ਚਿਤ੍ਰਾਨਿ ਲੋਕੇ।
Na te kāmā yāni citrāni loke;
ਸਙ੍ਕਪ੍ਪਰਾਗੋ ਪੁਰਿਸਸ੍ਸ ਕਾਮੋ,
Saṅkapparāgo purisassa kāmo,
ਤਿਟ੍ਠਨ੍ਤਿ ਚਿਤ੍ਰਾਨਿ ਤਥੇવ ਲੋਕੇ।
Tiṭṭhanti citrāni tatheva loke;
ਅਤ੍ਥੇવ ਸੁਤ੍ਤਨ੍ਤੋਤਿ? ਆਮਨ੍ਤਾ। ਤੇਨ ਹਿ ਨ વਤ੍ਤਬ੍ਬਂ – ‘‘ਪਞ੍ਚੇવਾਯਤਨਾ ਕਾਮਾ’’ਤਿ।
Attheva suttantoti? Āmantā. Tena hi na vattabbaṃ – ‘‘pañcevāyatanā kāmā’’ti.
ਕਾਮਕਥਾ ਨਿਟ੍ਠਿਤਾ।
Kāmakathā niṭṭhitā.
Footnotes:
Related texts:
ਅਟ੍ਠਕਥਾ • Aṭṭhakathā / ਅਭਿਧਮ੍ਮਪਿਟਕ (ਅਟ੍ਠਕਥਾ) • Abhidhammapiṭaka (aṭṭhakathā) / ਪਞ੍ਚਪਕਰਣ-ਅਟ੍ਠਕਥਾ • Pañcapakaraṇa-aṭṭhakathā / ੪. ਕਾਮਕਥਾવਣ੍ਣਨਾ • 4. Kāmakathāvaṇṇanā
