| Library / Tipiṭaka / д̇ибидага • Tipiṭaka / гат̇аавад̇т̇убаал̣и • Kathāvatthupāḷi |
8. адтамаваг̇г̇о
8. Aṭṭhamavaggo
(76) 4. гаамагат̇аа
(76) 4. Kāmakathā
513. бан̃жзвааяад̇анаа гаамаад̇и? ааманд̇аа. нану ад̇т̇и д̇аббадисам̣яуд̇д̇о чанд̣̇од̇и? ааманд̇аа. хан̃жи ад̇т̇и д̇аббадисам̣яуд̇д̇о чанд̣̇о, но жа вад̇а рз вад̇д̇аб̣б̣з – ‘‘бан̃жзвааяад̇анаа гаамаа’’д̇и. нану ад̇т̇и д̇аббадисам̣яуд̇д̇о рааг̇о д̇аббадисам̣яуд̇д̇о чанд̣̇о д̇аббадисам̣яуд̇д̇о чанд̣̇арааг̇о д̇аббадисам̣яуд̇д̇о сан̇габбо д̇аббадисам̣яуд̇д̇о рааг̇о д̇аббадисам̣яуд̇д̇о сан̇габбарааг̇о д̇аббадисам̣яуд̇д̇аа бийд̇и д̇аббадисам̣яуд̇д̇ам̣ соманассам̣ д̇аббадисам̣яуд̇д̇ам̣ бийд̇исоманассанд̇и? ааманд̇аа . хан̃жи ад̇т̇и д̇аббадисам̣яуд̇д̇ам̣ бийд̇исоманассам̣, но жа вад̇а рз вад̇д̇аб̣б̣з – ‘‘бан̃жзвааяад̇анаа гаамаа’’д̇и.
513. Pañcevāyatanā kāmāti? Āmantā. Nanu atthi tappaṭisaṃyutto chandoti? Āmantā. Hañci atthi tappaṭisaṃyutto chando, no ca vata re vattabbe – ‘‘pañcevāyatanā kāmā’’ti. Nanu atthi tappaṭisaṃyutto rāgo tappaṭisaṃyutto chando tappaṭisaṃyutto chandarāgo tappaṭisaṃyutto saṅkappo tappaṭisaṃyutto rāgo tappaṭisaṃyutto saṅkapparāgo tappaṭisaṃyuttā pīti tappaṭisaṃyuttaṃ somanassaṃ tappaṭisaṃyuttaṃ pītisomanassanti? Āmantā . Hañci atthi tappaṭisaṃyuttaṃ pītisomanassaṃ, no ca vata re vattabbe – ‘‘pañcevāyatanā kāmā’’ti.
514. на вад̇д̇аб̣б̣ам̣ – ‘‘бан̃жзвааяад̇анаа гаамаа’’д̇и? ааманд̇аа. нану вуд̇д̇ам̣ бхаг̇авад̇аа – ‘‘бан̃жимз, бхигкавз, гаамаг̇ун̣аа! гад̇амз бан̃жа? жагкувин̃н̃зяяаа руубаа…бз… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, бхигкавз, бан̃жа гаамаг̇ун̣аа’’д̇и. ад̇т̇зва суд̇д̇анд̇од̇и? ааманд̇аа. д̇зна хи бан̃жзвааяад̇анаа гаамаад̇и.
514. Na vattabbaṃ – ‘‘pañcevāyatanā kāmā’’ti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, bhikkhave, pañca kāmaguṇā’’ti. Attheva suttantoti? Āmantā. Tena hi pañcevāyatanā kāmāti.
бан̃жзвааяад̇анаа гаамаад̇и? ааманд̇аа. нану вуд̇д̇ам̣ бхаг̇авад̇аа – ‘‘бан̃жимз, бхигкавз, гаамаг̇ун̣аа! гад̇амз бан̃жа? жагкувин̃н̃зяяаа руубаа…бз… гааяавин̃н̃зяяаа подтаб̣б̣аа идтаа ганд̇аа манаабаа бияаруубаа гаамуубасам̣хид̇аа раж̇анийяаа – имз ко, бхигкавз, бан̃жа гаамаг̇ун̣аа . аби жа, бхигкавз, нзд̇з гаамаа гаамаг̇ун̣аа наамзд̇з арияасса винаяз вужжа’’нд̇и –
Pañcevāyatanā kāmāti? Āmantā. Nanu vuttaṃ bhagavatā – ‘‘pañcime, bhikkhave, kāmaguṇā! Katame pañca? Cakkhuviññeyyā rūpā…pe… kāyaviññeyyā phoṭṭhabbā iṭṭhā kantā manāpā piyarūpā kāmūpasaṃhitā rajanīyā – ime kho, bhikkhave, pañca kāmaguṇā . Api ca, bhikkhave, nete kāmā kāmaguṇā nāmete ariyassa vinaye vucca’’nti –
‘‘сан̇габбарааг̇о бурисасса гаамо,
‘‘Saṅkapparāgo purisassa kāmo,
на д̇з гаамаа яаани жид̇раани логз;
Na te kāmā yāni citrāni loke;
сан̇габбарааг̇о бурисасса гаамо,
Saṅkapparāgo purisassa kāmo,
д̇идтанд̇и жид̇раани д̇ат̇зва логз;
Tiṭṭhanti citrāni tatheva loke;
ад̇т̇зва суд̇д̇анд̇од̇и? ааманд̇аа. д̇зна хи на вад̇д̇аб̣б̣ам̣ – ‘‘бан̃жзвааяад̇анаа гаамаа’’д̇и.
Attheva suttantoti? Āmantā. Tena hi na vattabbaṃ – ‘‘pañcevāyatanā kāmā’’ti.
гаамагат̇аа нидтид̇аа.
Kāmakathā niṭṭhitā.
Footnotes:
Related texts:
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. гаамагат̇ааван̣н̣анаа • 4. Kāmakathāvaṇṇanā
