| Library / Tipiṭaka / తిపిటక • Tipiṭaka / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) |
(౧౦) ౫. ఉపాలివగ్గో
(10) 5. Upālivaggo
౧-౨. కామభోగీసుత్తాదివణ్ణనా
1-2. Kāmabhogīsuttādivaṇṇanā
౯౧-౯౨. పఞ్చమస్స పఠమే సాహసేనాతి సాహసియకమ్మేన. దుతియే భయానీతి చిత్తుత్రాసభయాని. వేరానీతి అకుసలవేరపుగ్గలవేరాని. అరియో చస్స ఞాయోతి సహ విపస్సనాయ మగ్గో. ఇతి ఇమస్మిం సతి ఇదం హోతీతి ఏవం ఇమస్మిం అవిజ్జాదికే కారణే సతి ఇదం సఙ్ఖారాదికం ఫలం హోతి. ఇమస్సుప్పాదా ఇదం ఉప్పజ్జతీతి యో యస్స సహజాతపచ్చయో హోతి, తస్స ఉప్పాదా ఇతరం ఉప్పజ్జతి నామ. ఇమస్మిం అసతీతి అవిజ్జాదికే కారణే అసతి సఙ్ఖారాదికం ఫలం న హోతి. ఇమస్స నిరోధాతి కారణస్స అప్పవత్తియా ఫలస్స అప్పవత్తి హోతి.
91-92. Pañcamassa paṭhame sāhasenāti sāhasiyakammena. Dutiye bhayānīti cittutrāsabhayāni. Verānīti akusalaverapuggalaverāni. Ariyo cassa ñāyoti saha vipassanāya maggo. Iti imasmiṃ sati idaṃ hotīti evaṃ imasmiṃ avijjādike kāraṇe sati idaṃ saṅkhārādikaṃ phalaṃ hoti. Imassuppādā idaṃ uppajjatīti yo yassa sahajātapaccayo hoti, tassa uppādā itaraṃ uppajjati nāma. Imasmiṃ asatīti avijjādike kāraṇe asati saṅkhārādikaṃ phalaṃ na hoti. Imassanirodhāti kāraṇassa appavattiyā phalassa appavatti hoti.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya
౧. కామభోగీసుత్తం • 1. Kāmabhogīsuttaṃ
౨. భయసుత్తం • 2. Bhayasuttaṃ
టీకా • Tīkā / సుత్తపిటక (టీకా) • Suttapiṭaka (ṭīkā) / అఙ్గుత్తరనికాయ (టీకా) • Aṅguttaranikāya (ṭīkā) / ౧-౪. కామభోగీసుత్తాదివణ్ణనా • 1-4. Kāmabhogīsuttādivaṇṇanā
