| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੮. ਕਲਿਙ੍ਗਰਸੁਤ੍ਤਂ
8. Kaliṅgarasuttaṃ
੨੩੦. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ વੇਸਾਲਿਯਂ વਿਹਰਤਿ ਮਹਾવਨੇ ਕੂਟਾਗਾਰਸਾਲਾਯਂ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ ‘‘ਭਿਕ੍ਖવੋ’’ਤਿ। ‘‘ਭਦਨ੍ਤੇ’’ਤਿ ਤੇ ਭਿਕ੍ਖੂ ਭਗવਤੋ ਪਚ੍ਚਸ੍ਸੋਸੁਂ। ਭਗવਾ ਏਤਦવੋਚ –
230. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tatra kho bhagavā bhikkhū āmantesi ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘ਕਲਿਙ੍ਗਰੂਪਧਾਨਾ , ਭਿਕ੍ਖવੇ, ਏਤਰਹਿ ਲਿਚ੍ਛવੀ વਿਹਰਨ੍ਤਿ ਅਪ੍ਪਮਤ੍ਤਾ ਆਤਾਪਿਨੋ ਉਪਾਸਨਸ੍ਮਿਂ। ਤੇਸਂ ਰਾਜਾ ਮਾਗਧੋ ਅਜਾਤਸਤ੍ਤੁ વੇਦੇਹਿਪੁਤ੍ਤੋ ਨ ਲਭਤਿ ਓਤਾਰਂ ਨ ਲਭਤਿ ਆਰਮ੍ਮਣਂ। ਭવਿਸ੍ਸਨ੍ਤਿ, ਭਿਕ੍ਖવੇ , ਅਨਾਗਤਮਦ੍ਧਾਨਂ ਲਿਚ੍ਛવੀ ਸੁਖੁਮਾਲਾ 1 ਮੁਦੁਤਲੁਨਹਤ੍ਥਪਾਦਾ 2 ਤੇ ਮੁਦੁਕਾਸੁ ਸੇਯ੍ਯਾਸੁ ਤੂਲਬਿਮ੍ਬੋਹਨਾਸੁ 3 ਯਾવਸੂਰਿਯੁਗ੍ਗਮਨਾ ਸੇਯ੍ਯਂ ਕਪ੍ਪਿਸ੍ਸਨ੍ਤਿ। ਤੇਸਂ ਰਾਜਾ ਮਾਗਧੋ ਅਜਾਤਸਤ੍ਤੁ વੇਦੇਹਿਪੁਤ੍ਤੋ ਲਚ੍ਛਤਿ ਓਤਾਰਂ ਲਚ੍ਛਤਿ ਆਰਮ੍ਮਣਂ।
‘‘Kaliṅgarūpadhānā , bhikkhave, etarahi licchavī viharanti appamattā ātāpino upāsanasmiṃ. Tesaṃ rājā māgadho ajātasattu vedehiputto na labhati otāraṃ na labhati ārammaṇaṃ. Bhavissanti, bhikkhave , anāgatamaddhānaṃ licchavī sukhumālā 4 mudutalunahatthapādā 5 te mudukāsu seyyāsu tūlabimbohanāsu 6 yāvasūriyuggamanā seyyaṃ kappissanti. Tesaṃ rājā māgadho ajātasattu vedehiputto lacchati otāraṃ lacchati ārammaṇaṃ.
‘‘ਕਲਿਙ੍ਗਰੂਪਧਾਨਾ, ਭਿਕ੍ਖવੇ, ਏਤਰਹਿ ਭਿਕ੍ਖੂ વਿਹਰਨ੍ਤਿ ਅਪ੍ਪਮਤ੍ਤਾ ਆਤਾਪਿਨੋ ਪਧਾਨਸ੍ਮਿਂ। ਤੇਸਂ ਮਾਰੋ ਪਾਪਿਮਾ ਨ ਲਭਤਿ ਓਤਾਰਂ ਨ ਲਭਤਿ ਆਰਮ੍ਮਣਂ। ਭવਿਸ੍ਸਨ੍ਤਿ, ਭਿਕ੍ਖવੇ, ਅਨਾਗਤਮਦ੍ਧਾਨਂ ਭਿਕ੍ਖੂ ਸੁਖੁਮਾ ਮੁਦੁਤਲੁਨਹਤ੍ਥਪਾਦਾ। ਤੇ ਮੁਦੁਕਾਸੁ ਸੇਯ੍ਯਾਸੁ ਤੂਲਬਿਮ੍ਬੋਹਨਾਸੁ ਯਾવਸੂਰਿਯੁਗ੍ਗਮਨਾ ਸੇਯ੍ਯਂ ਕਪ੍ਪਿਸ੍ਸਨ੍ਤਿ। ਤੇਸਂ ਮਾਰੋ ਪਾਪਿਮਾ ਲਚ੍ਛਤਿ ਓਤਾਰਂ ਲਚ੍ਛਤਿ ਆਰਮ੍ਮਣਂ। ਤਸ੍ਮਾਤਿਹ, ਭਿਕ੍ਖવੇ, ਏવਂ ਸਿਕ੍ਖਿਤਬ੍ਬਂ – ‘ਕਲਿਙ੍ਗਰੂਪਧਾਨਾ વਿਹਰਿਸ੍ਸਾਮ ਅਪ੍ਪਮਤ੍ਤਾ ਆਤਾਪਿਨੋ ਪਧਾਨਸ੍ਮਿ’ਨ੍ਤਿ। ਏવਞ੍ਹਿ વੋ, ਭਿਕ੍ਖવੇ, ਸਿਕ੍ਖਿਤਬ੍ਬ’’ਨ੍ਤਿ। ਅਟ੍ਠਮਂ।
‘‘Kaliṅgarūpadhānā, bhikkhave, etarahi bhikkhū viharanti appamattā ātāpino padhānasmiṃ. Tesaṃ māro pāpimā na labhati otāraṃ na labhati ārammaṇaṃ. Bhavissanti, bhikkhave, anāgatamaddhānaṃ bhikkhū sukhumā mudutalunahatthapādā. Te mudukāsu seyyāsu tūlabimbohanāsu yāvasūriyuggamanā seyyaṃ kappissanti. Tesaṃ māro pāpimā lacchati otāraṃ lacchati ārammaṇaṃ. Tasmātiha, bhikkhave, evaṃ sikkhitabbaṃ – ‘kaliṅgarūpadhānā viharissāma appamattā ātāpino padhānasmi’nti. Evañhi vo, bhikkhave, sikkhitabba’’nti. Aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੮. ਕਲਿਙ੍ਗਰਸੁਤ੍ਤવਣ੍ਣਨਾ • 8. Kaliṅgarasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੮. ਕਲਿਙ੍ਗਰਸੁਤ੍ਤવਣ੍ਣਨਾ • 8. Kaliṅgarasuttavaṇṇanā
