| Library / Tipiṭaka / д̇ибидага • Tipiṭaka / куд̣̇д̣̇асигкаа-мууласигкаа • Khuddasikkhā-mūlasikkhā |
8. гаалиганид̣̇д̣̇зсо
8. Kālikaniddeso
гаалигаа жаад̇и –
Kālikācāti –
84.
84.
бадиг̇г̇ахид̇аа жад̇д̇ааро, гаалигаа яаавагаалигам̣;
Paṭiggahitā cattāro, kālikā yāvakālikaṃ;
яаамагаалигам̣ сад̇д̇ааха-гаалигам̣ яааваж̇ийвигам̣.
Yāmakālikaṃ sattāha-kālikaṃ yāvajīvikaṃ.
85.
85.
бидтам̣ муулам̣ палам̣ каж̇ж̇ам̣, г̇орасо д̇хан̃н̃абхож̇анам̣;
Piṭṭhaṃ mūlaṃ phalaṃ khajjaṃ, goraso dhaññabhojanaṃ;
яааг̇усуубаббабхуд̇аяо, хонд̇зд̇з яаавагаалигаа.
Yāgusūpappabhutayo, hontete yāvakālikā.
86.
86.
мад̇хумуд̣̇д̣̇игасаалууга-жожаможамб̣аж̇амб̣уж̇ам̣;
Madhumuddikasālūka-cocamocambajambujaṃ;
паарусам̣ наг̇г̇исанд̇ад̇д̇ам̣, баанагам̣ яаамагаалигам̣.
Phārusaṃ naggisantattaṃ, pānakaṃ yāmakālikaṃ.
87.
87.
саануломаани д̇хан̃н̃аани, табзд̇ваа палаж̇о расо;
Sānulomāni dhaññāni, ṭhapetvā phalajo raso;
мад̇хуугабубпаман̃н̃ад̇ра, саб̣б̣о бубпарасоби жа.
Madhūkapupphamaññatra, sabbo puppharasopi ca.
88.
88.
саб̣б̣абад̇д̇арасо жзва, табзд̇ваа баггад̣аагаж̇ам̣;
Sabbapattaraso ceva, ṭhapetvā pakkaḍākajaṃ;
сийд̇од̣̇амад̣̇д̣̇ид̇од̣̇ижжа-бааго ваа яаамагаалиго.
Sītodamadditodicca-pāko vā yāmakāliko.
89.
89.
саббинонийд̇ад̇злаани , мад̇хупаан̣ид̇амзва жа;
Sappinonītatelāni , madhuphāṇitameva ca;
сад̇д̇аахагаалигаа сабби, язсам̣ мам̣самаваарид̇ам̣.
Sattāhakālikā sappi, yesaṃ maṃsamavāritaṃ.
90.
90.
д̇злам̣ д̇илавасзран̣д̣а-мад̇хусаасабасамбхавам̣;
Telaṃ tilavaseraṇḍa-madhusāsapasambhavaṃ;
куд̣̇д̣̇аабхамарамад̇хугари-магкигаахи гад̇ам̣ мад̇ху;
Khuddābhamaramadhukari-makkhikāhi kataṃ madhu;
расаад̣̇иужчувигад̇и, баггаабаггаа жа паан̣ид̇ам̣.
Rasādiucchuvikati, pakkāpakkā ca phāṇitaṃ.
91.
91.
савад̇т̇убаггаа саамам̣ ваа, васаа гаалз амаанусаа;
Savatthupakkā sāmaṃ vā, vasā kāle amānusā;
ан̃н̃зсам̣ на бажз вад̇т̇ум̣, яаавагаалигавад̇т̇унам̣.
Aññesaṃ na pace vatthuṃ, yāvakālikavatthunaṃ.
92.
92.
халид̣̇д̣̇им̣ син̇г̇ивзран̃жа, важад̇д̇ам̣ ласун̣ам̣ важаа;
Haliddiṃ siṅgiverañca, vacattaṃ lasuṇaṃ vacā;
усийрам̣ бхад̣̇д̣̇амуд̇д̇ан̃жаад̇ивисаа гадурохин̣ий;
Usīraṃ bhaddamuttañcātivisā kaṭurohiṇī;
бан̃жамуулаад̣̇иган̃жааби, муулам̣ д̇ам̣ яааваж̇ийвигам̣.
Pañcamūlādikañcāpi, mūlaṃ taṃ yāvajīvikaṃ.
93.
93.
б̣ил̣ан̇г̇ам̣ марижам̣ г̇одта-палам̣ бибпали рааж̇игаа;
Biḷaṅgaṃ maricaṃ goṭṭha-phalaṃ pipphali rājikā;
д̇ипалзран̣д̣агаад̣̇ийнам̣, палам̣ д̇ам̣ яааваж̇ийвигам̣.
Tiphaleraṇḍakādīnaṃ, phalaṃ taṃ yāvajīvikaṃ.
94.
94.
габбаасанимб̣агудаж̇абадоласуласаад̣̇инам̣;
Kappāsanimbakuṭajapaṭolasulasādinaṃ;
суубзяяабан̣н̣ам̣ важ̇ж̇зд̇ваа, бан̣н̣ам̣ д̇ам̣ яааваж̇ийвигам̣.
Sūpeyyapaṇṇaṃ vajjetvā, paṇṇaṃ taṃ yāvajīvikaṃ.
95.
95.
табзд̇ваа ужчунияяаасам̣,
Ṭhapetvā ucchuniyyāsaṃ,
сарасам̣ ужчуж̇ам̣ д̇ажам̣;
Sarasaṃ ucchujaṃ tacaṃ;
нияяаасо жа д̇ажо саб̣б̣о,
Niyyāso ca taco sabbo,
лон̣ам̣ лохам̣ силаа д̇ат̇аа.
Loṇaṃ lohaṃ silā tathā.
96.
96.
суд̣̇д̇хасид̇т̇ан̃жа сзваало, яан̃жа гин̃жи сужхаабид̇ам̣;
Suddhasitthañca sevālo, yañca kiñci sujhāpitaṃ;
вигадаад̣̇иббабхзд̣̇ан̃жа, н̃аад̇аб̣б̣ам̣ яааваж̇ийвигам̣.
Vikaṭādippabhedañca, ñātabbaṃ yāvajīvikaṃ.
97.
97.
муулам̣ саарам̣ д̇ажо пзг̇г̇у, бан̣н̣ам̣ бубпам̣ палам̣ лад̇аа;
Mūlaṃ sāraṃ taco pheggu, paṇṇaṃ pupphaṃ phalaṃ latā;
аахаарад̇т̇а масаад̇хзнд̇ам̣, саб̣б̣ам̣ д̇ам̣ яааваж̇ийвигам̣.
Āhārattha masādhentaṃ, sabbaṃ taṃ yāvajīvikaṃ.
98.
98.
саб̣б̣агаалигасамбхог̇о, гаалз саб̣б̣асса габбад̇и;
Sabbakālikasambhogo, kāle sabbassa kappati;
сад̇и бажжаяз вигаалз, габбад̇з гаалигад̇д̇аяам̣.
Sati paccaye vikāle, kappate kālikattayaṃ.
99.
99.
гаалаяаамамад̇игганд̇аа , баажид̇д̇им̣ ж̇анаяанд̇убхо;
Kālayāmamatikkantā , pācittiṃ janayantubho;
ж̇анаяанд̇и убхобзд̇з, анд̇овуд̇т̇ан̃жа саннид̇хим̣.
Janayanti ubhopete, antovutthañca sannidhiṃ.
100.
100.
сад̇д̇аахагаалигз сад̇д̇а, ахаани ад̇инаамид̇з;
Sattāhakālike satta, ahāni atināmite;
баажид̇д̇и баал̣инаарул̣хз, саббиаад̣̇имхи д̣̇уггадам̣.
Pācitti pāḷināruḷhe, sappiādimhi dukkaṭaṃ.
101.
101.
ниссадталад̣̇д̇хам̣ магкзяяа, нан̇г̇ам̣ наж̇жхохарзяяа жа;
Nissaṭṭhaladdhaṃ makkheyya, naṅgaṃ najjhohareyya ca;
вигаббзнд̇асса сад̇д̇аахз, сааман̣зрассад̇хидтад̇о;
Vikappentassa sattāhe, sāmaṇerassadhiṭṭhato;
магканаад̣̇ин̃жа наабад̇д̇и, ан̃н̃асса д̣̇ад̣̇ад̇оби жа.
Makkhanādiñca nāpatti, aññassa dadatopi ca.
102.
102.
яаавагаалигааад̣̇ийни, сам̣садтаани сахад̇д̇анаа;
Yāvakālikaādīni, saṃsaṭṭhāni sahattanā;
г̇аахаабаяанд̇и саб̣бхаавам̣, д̇асмаа звамуд̣̇ийрид̇ам̣.
Gāhāpayanti sabbhāvaṃ, tasmā evamudīritaṃ.
103.
103.
бурз бадиг̇г̇ахид̇ан̃жа, сад̇д̇аахам̣ яааваж̇ийвигам̣;
Pure paṭiggahitañca, sattāhaṃ yāvajīvikaṃ;
сзсагаалигасаммиссам̣, баажид̇д̇и барибхун̃ж̇ад̇о.
Sesakālikasammissaṃ, pācitti paribhuñjato.
104.
104.
яаавагаалигасаммиссам̣, ид̇арам̣ гаалигад̇д̇аяам̣;
Yāvakālikasammissaṃ, itaraṃ kālikattayaṃ;
бадиг̇г̇ахид̇ам̣ д̇ад̣̇аху, д̇ад̣̇ахзва жа бхун̃ж̇аяз.
Paṭiggahitaṃ tadahu, tadaheva ca bhuñjaye.
105.
105.
яаамагаалигасаммиссам̣, сзсамзвам̣ виж̇аанияам̣;
Yāmakālikasammissaṃ, sesamevaṃ vijāniyaṃ;
сад̇д̇аахагаалигамиссан̃жа, сад̇д̇аахам̣ габбад̇зд̇аранд̇и.
Sattāhakālikamissañca, sattāhaṃ kappatetaranti.
