| Library / Tipiṭaka / திபிடக • Tipiṭaka / அபதா³னபாளி • Apadānapāḷi |
3. காளிகோ³தா⁴புத்தப⁴த்³தி³யத்தே²ரஅபதா³னங்
3. Kāḷigodhāputtabhaddiyattheraapadānaṃ
54.
54.
‘‘பது³முத்தரஸம்பு³த்³த⁴ங் , மெத்தசித்தங் மஹாமுனிங்;
‘‘Padumuttarasambuddhaṃ , mettacittaṃ mahāmuniṃ;
உபேதி ஜனதா ஸப்³பா³, ஸப்³ப³லோகக்³க³னாயகங்.
Upeti janatā sabbā, sabbalokagganāyakaṃ.
55.
55.
த³த³ந்தி ஸத்து²னோ ஸப்³பே³, புஞ்ஞக்கெ²த்தே அனுத்தரே.
Dadanti satthuno sabbe, puññakkhette anuttare.
56.
56.
‘‘அஹம்பி தா³னங் த³ஸ்ஸாமி, தே³வதே³வஸ்ஸ தாதி³னோ;
‘‘Ahampi dānaṃ dassāmi, devadevassa tādino;
பு³த்³த⁴ஸெட்ட²ங் நிமந்தெத்வா, ஸங்க⁴ம்பி ச அனுத்தரங்.
Buddhaseṭṭhaṃ nimantetvā, saṅghampi ca anuttaraṃ.
57.
57.
‘‘உய்யோஜிதா மயா சேதே, நிமந்தேஸுங் ததா²க³தங்;
‘‘Uyyojitā mayā cete, nimantesuṃ tathāgataṃ;
கேவலங் பி⁴க்கு²ஸங்க⁴ஞ்ச, புஞ்ஞக்கெ²த்தங் அனுத்தரங்.
Kevalaṃ bhikkhusaṅghañca, puññakkhettaṃ anuttaraṃ.
58.
58.
‘‘ஸதஸஹஸ்ஸபல்லங்கங், ஸோவண்ணங் கோ³னகத்த²தங்;
‘‘Satasahassapallaṅkaṃ, sovaṇṇaṃ gonakatthataṃ;
தூலிகாபடலிகாய, கோ²மகப்பாஸிகேஹி ச;
Tūlikāpaṭalikāya, khomakappāsikehi ca;
மஹாரஹங் பஞ்ஞாபயிங், ஆஸனங் பு³த்³த⁴யுத்தகங்.
Mahārahaṃ paññāpayiṃ, āsanaṃ buddhayuttakaṃ.
59.
59.
‘‘பது³முத்தரோ லோகவிதூ³, தே³வதே³வோ நராஸபோ⁴;
‘‘Padumuttaro lokavidū, devadevo narāsabho;
பி⁴க்கு²ஸங்க⁴பரிப்³யூள்ஹோ, மம த்³வாரமுபாக³மி.
Bhikkhusaṅghaparibyūḷho, mama dvāramupāgami.
60.
60.
‘‘பச்சுக்³க³ந்த்வான ஸம்பு³த்³த⁴ங், லோகனாத²ங் யஸஸ்ஸினங்;
‘‘Paccuggantvāna sambuddhaṃ, lokanāthaṃ yasassinaṃ;
61.
61.
‘‘பி⁴க்கூ²னங் ஸதஸஹஸ்ஸங், பு³த்³த⁴ஞ்ச லோகனாயகங்;
‘‘Bhikkhūnaṃ satasahassaṃ, buddhañca lokanāyakaṃ;
பஸன்னசித்தோ ஸுமனோ, பரமன்னேன தப்பயிங்.
Pasannacitto sumano, paramannena tappayiṃ.
62.
62.
‘‘பது³முத்தரோ லோகவிதூ³, ஆஹுதீனங் படிக்³க³ஹோ;
‘‘Padumuttaro lokavidū, āhutīnaṃ paṭiggaho;
பி⁴க்கு²ஸங்கே⁴ நிஸீதி³த்வா, இமா கா³தா² அபா⁴ஸத².
Bhikkhusaṅghe nisīditvā, imā gāthā abhāsatha.
63.
63.
‘‘‘யேனித³ங் ஆஸனங் தி³ன்னங், ஸோவண்ணங் கோ³னகத்த²தங்;
‘‘‘Yenidaṃ āsanaṃ dinnaṃ, sovaṇṇaṃ gonakatthataṃ;
தமஹங் கித்தயிஸ்ஸாமி, ஸுணாத² மம பா⁴ஸதோ.
Tamahaṃ kittayissāmi, suṇātha mama bhāsato.
64.
64.
‘‘‘சதுஸத்ததிக்க²த்துங் ஸோ, தே³வரஜ்ஜங் கரிஸ்ஸதி;
‘‘‘Catusattatikkhattuṃ so, devarajjaṃ karissati;
அனுபொ⁴ஸ்ஸதி ஸம்பத்திங், அச்ச²ராஹி புரக்க²தோ.
Anubhossati sampattiṃ, accharāhi purakkhato.
65.
65.
‘‘‘பதே³ஸரஜ்ஜங் ஸஹஸ்ஸங், வஸுத⁴ங் ஆவஸிஸ்ஸதி;
‘‘‘Padesarajjaṃ sahassaṃ, vasudhaṃ āvasissati;
ஏகபஞ்ஞாஸக்க²த்துஞ்ச, சக்கவத்தீ ப⁴விஸ்ஸதி.
Ekapaññāsakkhattuñca, cakkavattī bhavissati.
66.
66.
ஸோ ச பச்சா² பப்³ப³ஜித்வா, ஸுக்கமூலேன சோதி³தோ;
So ca pacchā pabbajitvā, sukkamūlena codito;
ப⁴த்³தி³யோ நாம நாமேன, ஹெஸ்ஸதி ஸத்து² ஸாவகோ.
Bhaddiyo nāma nāmena, hessati satthu sāvako.
67.
67.
‘‘‘விவேகமனுயுத்தொம்ஹி, பந்தஸேனநிவாஸஹங்;
‘‘‘Vivekamanuyuttomhi, pantasenanivāsahaṃ;
ப²லஞ்சாதி⁴க³தங் ஸப்³ப³ங், சத்தக்லேஸொம்ஹி அஜ்ஜஹங்.
Phalañcādhigataṃ sabbaṃ, cattaklesomhi ajjahaṃ.
68.
68.
பி⁴க்கு²ஸங்கே⁴ நிஸீதி³த்வா, ஏதத³க்³கே³ ட²பேஸி மங்’.
Bhikkhusaṅghe nisīditvā, etadagge ṭhapesi maṃ’.
69.
69.
‘‘படிஸம்பி⁴தா³ சதஸ்ஸோ…பே॰… கதங் பு³த்³த⁴ஸ்ஸ ஸாஸனங்’’.
‘‘Paṭisambhidā catasso…pe… kataṃ buddhassa sāsanaṃ’’.
இத்த²ங் ஸுத³ங் ஆயஸ்மா ப⁴த்³தி³யோ காளிகோ³தா⁴ய புத்தோ தே²ரோ இமா கா³தா²யோ அபா⁴ஸித்தா²தி.
Itthaṃ sudaṃ āyasmā bhaddiyo kāḷigodhāya putto thero imā gāthāyo abhāsitthāti.
ப⁴த்³தி³யஸ்ஸ காளிகோ³தா⁴ய புத்தத்தே²ரஸ்ஸாபதா³னங் ததியங்.
Bhaddiyassa kāḷigodhāya puttattherassāpadānaṃ tatiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / அபதா³ன-அட்ட²கதா² • Apadāna-aṭṭhakathā / 3. காளிகோ³தா⁴புத்தப⁴த்³தி³யத்தே²ரஅபதா³னவண்ணனா • 3. Kāḷigodhāputtabhaddiyattheraapadānavaṇṇanā
