| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. කළම්බදායකත්ථෙරඅපදානං
6. Kaḷambadāyakattheraapadānaṃ
50.
50.
‘‘රොමසො නාම සම්බුද්ධො, වසතෙ පබ්බතන්තරෙ;
‘‘Romaso nāma sambuddho, vasate pabbatantare;
කළම්බං තස්ස පාදාසිං, පසන්නො සෙහි පාණිභි.
Kaḷambaṃ tassa pādāsiṃ, pasanno sehi pāṇibhi.
51.
51.
‘‘චතුන්නවුතිතො කප්පෙ, යං දානමදදිං තදා;
‘‘Catunnavutito kappe, yaṃ dānamadadiṃ tadā;
දුග්ගතිං නාභිජානාමි, කළම්බස්ස ඉදං ඵලං.
Duggatiṃ nābhijānāmi, kaḷambassa idaṃ phalaṃ.
52.
52.
‘‘කිලෙසා ඣාපිතා මය්හං…පෙ.… විහරාමි අනාසවො.
‘‘Kilesā jhāpitā mayhaṃ…pe… viharāmi anāsavo.
53.
53.
‘‘ස්වාගතං වත මෙ ආසි…පෙ.… කතං බුද්ධස්ස සාසනං.
‘‘Svāgataṃ vata me āsi…pe… kataṃ buddhassa sāsanaṃ.
54.
54.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා කළම්බදායකො ථෙරො ඉමා ගාථායො
Itthaṃ sudaṃ āyasmā kaḷambadāyako thero imā gāthāyo
අභාසිත්ථාති.
Abhāsitthāti.
කළම්බදායකත්ථෙරස්සාපදානං ඡට්ඨං.
Kaḷambadāyakattherassāpadānaṃ chaṭṭhaṃ.
