| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ • Aṅguttaranikāya |
೬. ಕಾಲದಾನಸುತ್ತಂ
6. Kāladānasuttaṃ
೩೬. ‘‘ಪಞ್ಚಿಮಾನಿ, ಭಿಕ್ಖವೇ, ಕಾಲದಾನಾನಿ। ಕತಮಾನಿ ಪಞ್ಚ? ಆಗನ್ತುಕಸ್ಸ ದಾನಂ ದೇತಿ; ಗಮಿಕಸ್ಸ ದಾನಂ ದೇತಿ; ಗಿಲಾನಸ್ಸ ದಾನಂ ದೇತಿ; ದುಬ್ಭಿಕ್ಖೇ ದಾನಂ ದೇತಿ; ಯಾನಿ ತಾನಿ ನವಸಸ್ಸಾನಿ ನವಫಲಾನಿ ತಾನಿ ಪಠಮಂ ಸೀಲವನ್ತೇಸು ಪತಿಟ್ಠಾಪೇತಿ। ಇಮಾನಿ ಖೋ, ಭಿಕ್ಖವೇ, ಪಞ್ಚ ಕಾಲದಾನಾನೀ’’ತಿ।
36. ‘‘Pañcimāni, bhikkhave, kāladānāni. Katamāni pañca? Āgantukassa dānaṃ deti; gamikassa dānaṃ deti; gilānassa dānaṃ deti; dubbhikkhe dānaṃ deti; yāni tāni navasassāni navaphalāni tāni paṭhamaṃ sīlavantesu patiṭṭhāpeti. Imāni kho, bhikkhave, pañca kāladānānī’’ti.
‘‘ಕಾಲೇ ದದನ್ತಿ ಸಪ್ಪಞ್ಞಾ, ವದಞ್ಞೂ ವೀತಮಚ್ಛರಾ।
‘‘Kāle dadanti sappaññā, vadaññū vītamaccharā;
ಕಾಲೇನ ದಿನ್ನಂ ಅರಿಯೇಸು, ಉಜುಭೂತೇಸು ತಾದಿಸು॥
Kālena dinnaṃ ariyesu, ujubhūtesu tādisu.
‘‘ವಿಪ್ಪಸನ್ನಮನಾ ತಸ್ಸ, ವಿಪುಲಾ ಹೋತಿ ದಕ್ಖಿಣಾ।
‘‘Vippasannamanā tassa, vipulā hoti dakkhiṇā;
ಯೇ ತತ್ಥ ಅನುಮೋದನ್ತಿ, ವೇಯ್ಯಾವಚ್ಚಂ ಕರೋನ್ತಿ ವಾ।
Ye tattha anumodanti, veyyāvaccaṃ karonti vā;
‘‘ತಸ್ಮಾ ದದೇ ಅಪ್ಪಟಿವಾನಚಿತ್ತೋ, ಯತ್ಥ ದಿನ್ನಂ ಮಹಪ್ಫಲಂ।
‘‘Tasmā dade appaṭivānacitto, yattha dinnaṃ mahapphalaṃ;
ಪುಞ್ಞಾನಿ ಪರಲೋಕಸ್ಮಿಂ, ಪತಿಟ್ಠಾ ಹೋನ್ತಿ ಪಾಣಿನ’’ನ್ತಿ॥ ಛಟ್ಠಂ।
Puññāni paralokasmiṃ, patiṭṭhā honti pāṇina’’nti. chaṭṭhaṃ;
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೬. ಕಾಲದಾನಸುತ್ತವಣ್ಣನಾ • 6. Kāladānasuttavaṇṇanā
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) / ೬-೭. ಕಾಲದಾನಸುತ್ತಾದಿವಣ್ಣನಾ • 6-7. Kāladānasuttādivaṇṇanā
