| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๖. กาลทานสุตฺตํ
6. Kāladānasuttaṃ
๓๖. ‘‘ปญฺจิมานิ, ภิกฺขเว, กาลทานานิฯ กตมานิ ปญฺจ? อาคนฺตุกสฺส ทานํ เทติ; คมิกสฺส ทานํ เทติ; คิลานสฺส ทานํ เทติ; ทุพฺภิเกฺข ทานํ เทติ; ยานิ ตานิ นวสสฺสานิ นวผลานิ ตานิ ปฐมํ สีลวเนฺตสุ ปติฎฺฐาเปติฯ อิมานิ โข, ภิกฺขเว, ปญฺจ กาลทานานี’’ติฯ
36. ‘‘Pañcimāni, bhikkhave, kāladānāni. Katamāni pañca? Āgantukassa dānaṃ deti; gamikassa dānaṃ deti; gilānassa dānaṃ deti; dubbhikkhe dānaṃ deti; yāni tāni navasassāni navaphalāni tāni paṭhamaṃ sīlavantesu patiṭṭhāpeti. Imāni kho, bhikkhave, pañca kāladānānī’’ti.
‘‘กาเล ททนฺติ สปฺปญฺญา, วทญฺญู วีตมจฺฉรา;
‘‘Kāle dadanti sappaññā, vadaññū vītamaccharā;
กาเลน ทินฺนํ อริเยสุ, อุชุภูเตสุ ตาทิสุฯ
Kālena dinnaṃ ariyesu, ujubhūtesu tādisu.
‘‘วิปฺปสนฺนมนา ตสฺส, วิปุลา โหติ ทกฺขิณา;
‘‘Vippasannamanā tassa, vipulā hoti dakkhiṇā;
เย ตตฺถ อนุโมทนฺติ, เวยฺยาวจฺจํ กโรนฺติ วา;
Ye tattha anumodanti, veyyāvaccaṃ karonti vā;
‘‘ตสฺมา ทเท อปฺปฎิวานจิโตฺต, ยตฺถ ทินฺนํ มหปฺผลํ;
‘‘Tasmā dade appaṭivānacitto, yattha dinnaṃ mahapphalaṃ;
ปุญฺญานิ ปรโลกสฺมิํ, ปติฎฺฐา โหนฺติ ปาณิน’’นฺติฯ ฉฎฺฐํ;
Puññāni paralokasmiṃ, patiṭṭhā honti pāṇina’’nti. chaṭṭhaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๖. กาลทานสุตฺตวณฺณนา • 6. Kāladānasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๗. กาลทานสุตฺตาทิวณฺณนา • 6-7. Kāladānasuttādivaṇṇanā
