| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๘. กกุธสุตฺตํ
8. Kakudhasuttaṃ
๙๙. เอวํ เม สุตํ – เอกํ สมยํ ภควา สาเกเต วิหรติ อญฺชนวเน มิคทาเยฯ อถ โข กกุโธ เทวปุโตฺต อภิกฺกนฺตาย รตฺติยา อภิกฺกนฺตวโณฺณ เกวลกปฺปํ อญฺชนวนํ โอภาเสตฺวา เยน ภควา เตนุปสงฺกมิ; อุปสงฺกมิตฺวา ภควนฺตํ อภิวาเทตฺวา เอกมนฺตํ อฎฺฐาสิฯ เอกมนฺตํ ฐิโต โข กกุโธ เทวปุโตฺต ภควนฺตํ เอตทโวจ – ‘‘นนฺทสิ, สมณา’’ติ? ‘‘กิํ ลทฺธา, อาวุโส’’ติ? ‘‘เตน หิ, สมณ, โสจสี’’ติ? ‘‘กิํ ชียิตฺถ, อาวุโส’’ติ? ‘‘เตน หิ, สมณ, เนว นนฺทสิ น จ 1 โสจสี’’ติ? ‘‘เอวมาวุโส’’ติฯ
99. Evaṃ me sutaṃ – ekaṃ samayaṃ bhagavā sākete viharati añjanavane migadāye. Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto bhagavantaṃ etadavoca – ‘‘nandasi, samaṇā’’ti? ‘‘Kiṃ laddhā, āvuso’’ti? ‘‘Tena hi, samaṇa, socasī’’ti? ‘‘Kiṃ jīyittha, āvuso’’ti? ‘‘Tena hi, samaṇa, neva nandasi na ca 2 socasī’’ti? ‘‘Evamāvuso’’ti.
กจฺจิ ตํ เอกมาสีนํ, อรตี นาภิกีรตี’’ติฯ
Kacci taṃ ekamāsīnaṃ, aratī nābhikīratī’’ti.
‘‘อนโฆ เว อหํ ยกฺข, อโถ นนฺที น วิชฺชติ;
‘‘Anagho ve ahaṃ yakkha, atho nandī na vijjati;
อโถ มํ เอกมาสีนํ, อรตี นาภิกีรตี’’ติฯ
Atho maṃ ekamāsīnaṃ, aratī nābhikīratī’’ti.
‘‘กถํ ตฺวํ อนโฆ ภิกฺขุ, กถํ นนฺที น วิชฺชติ;
‘‘Kathaṃ tvaṃ anagho bhikkhu, kathaṃ nandī na vijjati;
กถํ ตํ เอกมาสีนํ, อรตี นาภิกีรตี’’ติฯ
Kathaṃ taṃ ekamāsīnaṃ, aratī nābhikīratī’’ti.
‘‘อฆชาตสฺส เว นนฺที, นนฺทีชาตสฺส เว อฆํ;
‘‘Aghajātassa ve nandī, nandījātassa ve aghaṃ;
อนนฺที อนโฆ ภิกฺขุ, เอวํ ชานาหิ อาวุโส’’ติฯ
Anandī anagho bhikkhu, evaṃ jānāhi āvuso’’ti.
‘‘จิรสฺสํ วต ปสฺสามิ, พฺราหฺมณํ ปรินิพฺพุตํ;
‘‘Cirassaṃ vata passāmi, brāhmaṇaṃ parinibbutaṃ;
อนนฺทิํ อนฆํ ภิกฺขุํ, ติณฺณํ โลเก วิสตฺติก’’นฺตฺนฺตฺติฯ
Anandiṃ anaghaṃ bhikkhuṃ, tiṇṇaṃ loke visattika’’ntntti.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘-๑๐. กกุธสุตฺตาทิวณฺณนา • 8-10. Kakudhasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๘. กกุธสุตฺตวณฺณนา • 8. Kakudhasuttavaṇṇanā
