| Library / Tipiṭaka / तिपिटक • Tipiṭaka / संयुत्तनिकाय • Saṃyuttanikāya |
८. ककुधसुत्तं
8. Kakudhasuttaṃ
९९. एवं मे सुतं – एकं समयं भगवा साकेते विहरति अञ्जनवने मिगदाये। अथ खो ककुधो देवपुत्तो अभिक्कन्ताय रत्तिया अभिक्कन्तवण्णो केवलकप्पं अञ्जनवनं ओभासेत्वा येन भगवा तेनुपसङ्कमि; उपसङ्कमित्वा भगवन्तं अभिवादेत्वा एकमन्तं अट्ठासि। एकमन्तं ठितो खो ककुधो देवपुत्तो भगवन्तं एतदवोच – ‘‘नन्दसि, समणा’’ति? ‘‘किं लद्धा, आवुसो’’ति? ‘‘तेन हि, समण, सोचसी’’ति? ‘‘किं जीयित्थ, आवुसो’’ति? ‘‘तेन हि, समण, नेव नन्दसि न च 1 सोचसी’’ति? ‘‘एवमावुसो’’ति।
99. Evaṃ me sutaṃ – ekaṃ samayaṃ bhagavā sākete viharati añjanavane migadāye. Atha kho kakudho devaputto abhikkantāya rattiyā abhikkantavaṇṇo kevalakappaṃ añjanavanaṃ obhāsetvā yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto bhagavantaṃ etadavoca – ‘‘nandasi, samaṇā’’ti? ‘‘Kiṃ laddhā, āvuso’’ti? ‘‘Tena hi, samaṇa, socasī’’ti? ‘‘Kiṃ jīyittha, āvuso’’ti? ‘‘Tena hi, samaṇa, neva nandasi na ca 2 socasī’’ti? ‘‘Evamāvuso’’ti.
कच्चि तं एकमासीनं, अरती नाभिकीरती’’ति॥
Kacci taṃ ekamāsīnaṃ, aratī nābhikīratī’’ti.
‘‘अनघो वे अहं यक्ख, अथो नन्दी न विज्जति।
‘‘Anagho ve ahaṃ yakkha, atho nandī na vijjati;
अथो मं एकमासीनं, अरती नाभिकीरती’’ति॥
Atho maṃ ekamāsīnaṃ, aratī nābhikīratī’’ti.
‘‘कथं त्वं अनघो भिक्खु, कथं नन्दी न विज्जति।
‘‘Kathaṃ tvaṃ anagho bhikkhu, kathaṃ nandī na vijjati;
कथं तं एकमासीनं, अरती नाभिकीरती’’ति॥
Kathaṃ taṃ ekamāsīnaṃ, aratī nābhikīratī’’ti.
‘‘अघजातस्स वे नन्दी, नन्दीजातस्स वे अघं।
‘‘Aghajātassa ve nandī, nandījātassa ve aghaṃ;
अनन्दी अनघो भिक्खु, एवं जानाहि आवुसो’’ति॥
Anandī anagho bhikkhu, evaṃ jānāhi āvuso’’ti.
‘‘चिरस्सं वत पस्सामि, ब्राह्मणं परिनिब्बुतं।
‘‘Cirassaṃ vata passāmi, brāhmaṇaṃ parinibbutaṃ;
अनन्दिं अनघं भिक्खुं, तिण्णं लोके विसत्तिक’’न्त्न्त्ति॥
Anandiṃ anaghaṃ bhikkhuṃ, tiṇṇaṃ loke visattika’’ntntti.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ८-१०. ककुधसुत्तादिवण्णना • 8-10. Kakudhasuttādivaṇṇanā
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / ८. ककुधसुत्तवण्णना • 8. Kakudhasuttavaṇṇanā
