| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೮-೧೦. ಕಕುಧಸುತ್ತಾದಿವಣ್ಣನಾ
8-10. Kakudhasuttādivaṇṇanā
೯೯. ಅಟ್ಠಮೇ ಕಕುಧೋ ದೇವಪುತ್ತೋತಿ ಅಯಂ ಕಿರ ಕೋಲನಗರೇ ಮಹಾಮೋಗ್ಗಲ್ಲಾನತ್ಥೇರಸ್ಸ ಉಪಟ್ಠಾಕಪುತ್ತೋ ದಹರಕಾಲೇಯೇವ ಥೇರಸ್ಸ ಸನ್ತಿಕೇ ವಸನ್ತೋ ಝಾನಂ ನಿಬ್ಬತ್ತೇತ್ವಾ ಕಾಲಙ್ಕತೋ, ಬ್ರಹ್ಮಲೋಕೇ ಉಪ್ಪಜ್ಜಿ। ತತ್ರಾಪಿ ನಂ ಕಕುಧೋ ಬ್ರಹ್ಮಾತ್ವೇವ ಸಞ್ಜಾನನ್ತಿ। ನನ್ದಸೀತಿ ತುಸ್ಸಸಿ। ಕಿಂ ಲದ್ಧಾತಿ ತುಟ್ಠಿ ನಾಮ ಕಿಞ್ಚಿ ಮನಾಪಂ ಲಭಿತ್ವಾ ಹೋತಿ, ತಸ್ಮಾ ಏವಮಾಹ। ಕಿಂ ಜೀಯಿತ್ಥಾತಿ ಯಸ್ಸ ಹಿ ಕಿಞ್ಚಿ ಮನಾಪಂ ಚೀವರಾದಿವತ್ಥು ಜಿಣ್ಣಂ ಹೋತಿ, ಸೋ ಸೋಚತಿ, ತಸ್ಮಾ ಏವಮಾಹ। ಅರತೀ ನಾಭಿಕೀರತೀತಿ ಉಕ್ಕಣ್ಠಿತಾ ನಾಭಿಭವತಿ। ಅಘಜಾತಸ್ಸಾತಿ ದುಕ್ಖಜಾತಸ್ಸ, ವಟ್ಟದುಕ್ಖೇ ಠಿತಸ್ಸಾತಿ ಅತ್ಥೋ। ನನ್ದೀಜಾತಸ್ಸಾತಿ ಜಾತತಣ್ಹಸ್ಸ। ಅಘನ್ತಿ ಏವರೂಪಸ್ಸ ಹಿ ವಟ್ಟದುಕ್ಖಂ ಆಗತಮೇವ ಹೋತಿ । ‘‘ದುಕ್ಖೀ ಸುಖಂ ಪತ್ಥಯತೀ’’ತಿ ಹಿ ವುತ್ತಂ। ಇತಿ ಅಘಜಾತಸ್ಸ ನನ್ದೀ ಹೋತಿ, ಸುಖವಿಪರಿಣಾಮೇನ ದುಕ್ಖಂ ಆಗತಮೇವಾತಿ ನನ್ದೀಜಾತಸ್ಸ ಅಘಂ ಹೋತಿ। ಅಟ್ಠಮಂ।
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
೧೦೦. ನವಮಂ ವುತ್ತತ್ಥಮೇವ। ನವಮಂ।
100. Navamaṃ vuttatthameva. Navamaṃ.
೧೦೧. ದಸಮೇ ಆನನ್ದತ್ಥೇರಸ್ಸ ಅನುಮಾನಬುದ್ಧಿಯಾ ಆನುಭಾವಪ್ಪಕಾಸನತ್ಥಂ ಅಞ್ಞತರೋತಿ ಆಹ। ದಸಮಂ।
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
ದುತಿಯೋ ವಗ್ಗೋ।
Dutiyo vaggo.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya
೮. ಕಕುಧಸುತ್ತಂ • 8. Kakudhasuttaṃ
೯. ಉತ್ತರಸುತ್ತಂ • 9. Uttarasuttaṃ
೧೦. ಅನಾಥಪಿಣ್ಡಿಕಸುತ್ತಂ • 10. Anāthapiṇḍikasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā)
೮. ಕಕುಧಸುತ್ತವಣ್ಣನಾ • 8. Kakudhasuttavaṇṇanā
೯. ಉತ್ತರಸುತ್ತವಣ್ಣನಾ • 9. Uttarasuttavaṇṇanā
೧೦. ಅನಾಥಪಿಣ್ಡಿಕಸುತ್ತವಣ್ಣನಾ • 10. Anāthapiṇḍikasuttavaṇṇanā
