| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៨-១០. កកុធសុត្តាទិវណ្ណនា
8-10. Kakudhasuttādivaṇṇanā
៩៩. អដ្ឋមេ កកុធោ ទេវបុត្តោតិ អយំ កិរ កោលនគរេ មហាមោគ្គល្លានត្ថេរស្ស ឧបដ្ឋាកបុត្តោ ទហរកាលេយេវ ថេរស្ស សន្តិកេ វសន្តោ ឈានំ និព្ពត្តេត្វា កាលង្កតោ, ព្រហ្មលោកេ ឧប្បជ្ជិ។ តត្រាបិ នំ កកុធោ ព្រហ្មាត្វេវ សញ្ជានន្តិ។ នន្ទសីតិ តុស្សសិ។ កិំ លទ្ធាតិ តុដ្ឋិ នាម កិញ្ចិ មនាបំ លភិត្វា ហោតិ, តស្មា ឯវមាហ។ កិំ ជីយិត្ថាតិ យស្ស ហិ កិញ្ចិ មនាបំ ចីវរាទិវត្ថុ ជិណ្ណំ ហោតិ, សោ សោចតិ, តស្មា ឯវមាហ។ អរតី នាភិកីរតីតិ ឧក្កណ្ឋិតា នាភិភវតិ។ អឃជាតស្សាតិ ទុក្ខជាតស្ស, វដ្ដទុក្ខេ ឋិតស្សាតិ អត្ថោ។ នន្ទីជាតស្សាតិ ជាតតណ្ហស្ស។ អឃន្តិ ឯវរូបស្ស ហិ វដ្ដទុក្ខំ អាគតមេវ ហោតិ ។ ‘‘ទុក្ខី សុខំ បត្ថយតី’’តិ ហិ វុត្តំ។ ឥតិ អឃជាតស្ស នន្ទី ហោតិ, សុខវិបរិណាមេន ទុក្ខំ អាគតមេវាតិ នន្ទីជាតស្ស អឃំ ហោតិ។ អដ្ឋមំ។
99. Aṭṭhame kakudho devaputtoti ayaṃ kira kolanagare mahāmoggallānattherassa upaṭṭhākaputto daharakāleyeva therassa santike vasanto jhānaṃ nibbattetvā kālaṅkato, brahmaloke uppajji. Tatrāpi naṃ kakudho brahmātveva sañjānanti. Nandasīti tussasi. Kiṃ laddhāti tuṭṭhi nāma kiñci manāpaṃ labhitvā hoti, tasmā evamāha. Kiṃ jīyitthāti yassa hi kiñci manāpaṃ cīvarādivatthu jiṇṇaṃ hoti, so socati, tasmā evamāha. Aratī nābhikīratīti ukkaṇṭhitā nābhibhavati. Aghajātassāti dukkhajātassa, vaṭṭadukkhe ṭhitassāti attho. Nandījātassāti jātataṇhassa. Aghanti evarūpassa hi vaṭṭadukkhaṃ āgatameva hoti . ‘‘Dukkhī sukhaṃ patthayatī’’ti hi vuttaṃ. Iti aghajātassa nandī hoti, sukhavipariṇāmena dukkhaṃ āgatamevāti nandījātassa aghaṃ hoti. Aṭṭhamaṃ.
១០០. នវមំ វុត្តត្ថមេវ។ នវមំ។
100. Navamaṃ vuttatthameva. Navamaṃ.
១០១. ទសមេ អានន្ទត្ថេរស្ស អនុមានពុទ្ធិយា អានុភាវប្បកាសនត្ថំ អញ្ញតរោតិ អាហ។ ទសមំ។
101. Dasame ānandattherassa anumānabuddhiyā ānubhāvappakāsanatthaṃ aññataroti āha. Dasamaṃ.
ទុតិយោ វគ្គោ។
Dutiyo vaggo.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya
៨. កកុធសុត្តំ • 8. Kakudhasuttaṃ
៩. ឧត្តរសុត្តំ • 9. Uttarasuttaṃ
១០. អនាថបិណ្ឌិកសុត្តំ • 10. Anāthapiṇḍikasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā)
៨. កកុធសុត្តវណ្ណនា • 8. Kakudhasuttavaṇṇanā
៩. ឧត្តរសុត្តវណ្ណនា • 9. Uttarasuttavaṇṇanā
១០. អនាថបិណ្ឌិកសុត្តវណ្ណនា • 10. Anāthapiṇḍikasuttavaṇṇanā
