| Library / Tipiṭaka / திபிடக • Tipiṭaka / விமானவத்து²பாளி • Vimānavatthupāḷi |
4. கக்கடகரஸதா³யகவிமானவத்து²
4. Kakkaṭakarasadāyakavimānavatthu
910.
910.
‘‘உச்சமித³ங் மணிதூ²ணங் விமானங், ஸமந்ததோ த்³வாத³ஸ யோஜனானி;
‘‘Uccamidaṃ maṇithūṇaṃ vimānaṃ, samantato dvādasa yojanāni;
கூடாகா³ரா ஸத்தஸதா உளாரா, வேளுரியத²ம்பா⁴ ருசகத்த²தா 1 ஸுபா⁴.
Kūṭāgārā sattasatā uḷārā, veḷuriyathambhā rucakatthatā 2 subhā.
911.
911.
‘‘தத்த²ச்ச²ஸி பிவஸி கா²த³ஸி ச, தி³ப்³பா³ ச வீணா பவத³ந்தி வக்³கு³ங் 3;
‘‘Tatthacchasi pivasi khādasi ca, dibbā ca vīṇā pavadanti vagguṃ 4;
தி³ப்³பா³ ரஸா காமகு³ணெத்த² பஞ்ச, நாரியோ ச நச்சந்தி ஸுவண்ணச²ன்னா.
Dibbā rasā kāmaguṇettha pañca, nāriyo ca naccanti suvaṇṇachannā.
912.
912.
‘‘கேன தேதாதி³ஸோ வண்ணோ, கேன தே இத⁴ மிஜ்ஜ²தி;
‘‘Kena tetādiso vaṇṇo, kena te idha mijjhati;
உப்பஜ்ஜந்தி ச தே போ⁴கா³, யே கேசி மனஸோ பியா.
Uppajjanti ca te bhogā, ye keci manaso piyā.
913.
913.
‘‘புச்சா²மி தங் தே³வ மஹானுபா⁴வ, மனுஸ்ஸபூ⁴தோ கிமகாஸி புஞ்ஞங்;
‘‘Pucchāmi taṃ deva mahānubhāva, manussabhūto kimakāsi puññaṃ;
கேனாஸி ஏவங் ஜலிதானுபா⁴வோ, வண்ணோ ச தே ஸப்³ப³தி³ஸா பபா⁴ஸதீ’’தி.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
914.
914.
ஸோ தே³வபுத்தோ அத்தமனோ, மொக்³க³ல்லானேன புச்சி²தோ;
So devaputto attamano, moggallānena pucchito;
பஞ்ஹங் புட்டோ² வியாகாஸி, யஸ்ஸ கம்மஸ்ஸித³ங் ப²லங்.
Pañhaṃ puṭṭho viyākāsi, yassa kammassidaṃ phalaṃ.
915.
915.
‘‘ஸதிஸமுப்பாத³கரோ , த்³வாரே கக்கடகோ டி²தோ;
‘‘Satisamuppādakaro , dvāre kakkaṭako ṭhito;
நிட்டி²தோ ஜாதரூபஸ்ஸ, ஸோப⁴தி த³ஸபாத³கோ.
Niṭṭhito jātarūpassa, sobhati dasapādako.
916.
916.
‘‘தேன மேதாதி³ஸோ வண்ணோ, தேன மே இத⁴ மிஜ்ஜ²தி;
‘‘Tena metādiso vaṇṇo, tena me idha mijjhati;
உப்பஜ்ஜந்தி ச மே போ⁴கா³, யே கேசி மனஸோ பியா.
Uppajjanti ca me bhogā, ye keci manaso piyā.
917.
917.
‘‘அக்கா²மி தே பி⁴க்கு² மஹானுபா⁴வ, மனுஸ்ஸபூ⁴தோ யமகாஸி புஞ்ஞங்;
‘‘Akkhāmi te bhikkhu mahānubhāva, manussabhūto yamakāsi puññaṃ;
தேனம்ஹி ஏவங் ஜலிதானுபா⁴வோ, வண்ணோ ச மே ஸப்³ப³தி³ஸா பபா⁴ஸதீ’’தி.
Tenamhi evaṃ jalitānubhāvo, vaṇṇo ca me sabbadisā pabhāsatī’’ti.
கக்கடகரஸதா³யகவிமானங் சதுத்த²ங்.
Kakkaṭakarasadāyakavimānaṃ catutthaṃ.
(அனந்தரங் பஞ்சவிமானங் யதா² கக்கடகரஸதா³யகவிமானங் ததா² வித்தா²ரேதப்³ப³ங்)
(Anantaraṃ pañcavimānaṃ yathā kakkaṭakarasadāyakavimānaṃ tathā vitthāretabbaṃ)
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / விமானவத்து²-அட்ட²கதா² • Vimānavatthu-aṭṭhakathā / 4. கக்கடகரஸதா³யகவிமானவண்ணனா • 4. Kakkaṭakarasadāyakavimānavaṇṇanā
