| Library / Tipiṭaka / তিপিটক • Tipiṭaka / অপদানপাল়ি • Apadānapāḷi |
৪. কক্কারুপুপ্ফপূজকত্থেরঅপদানং
4. Kakkārupupphapūjakattheraapadānaṃ
২১.
21.
‘‘দেৰপুত্তো অহং সন্তো, পূজযিং সিখিনাযকং।
‘‘Devaputto ahaṃ santo, pūjayiṃ sikhināyakaṃ;
কক্কারুপুপ্ফং পগ্গয্হ, বুদ্ধস্স অভিরোপযিং॥
Kakkārupupphaṃ paggayha, buddhassa abhiropayiṃ.
২২.
22.
‘‘একত্তিংসে ইতো কপ্পে, যং পুপ্ফমভিরোপযিং।
‘‘Ekattiṃse ito kappe, yaṃ pupphamabhiropayiṃ;
দুগ্গতিং নাভিজানামি, বুদ্ধপূজাযিদং ফলং॥
Duggatiṃ nābhijānāmi, buddhapūjāyidaṃ phalaṃ.
২৩.
23.
‘‘ইতো চ নৰমে কপ্পে, রাজা সত্তুত্তমো অহুং।
‘‘Ito ca navame kappe, rājā sattuttamo ahuṃ;
সত্তরতনসম্পন্নো, চক্কৰত্তী মহব্বলো॥
Sattaratanasampanno, cakkavattī mahabbalo.
২৪.
24.
‘‘পটিসম্ভিদা চতস্সো…পে॰… কতং বুদ্ধস্স সাসনং’’॥
‘‘Paṭisambhidā catasso…pe… kataṃ buddhassa sāsanaṃ’’.
ইত্থং সুদং আযস্মা কক্কারুপুপ্ফপূজকো থেরো ইমা গাথাযো অভাসিত্থাতি।
Itthaṃ sudaṃ āyasmā kakkārupupphapūjako thero imā gāthāyo abhāsitthāti.
কক্কারুপুপ্ফপূজকত্থেরস্সাপদানং চতুত্থং।
Kakkārupupphapūjakattherassāpadānaṃ catutthaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / অপদান-অট্ঠকথা • Apadāna-aṭṭhakathā / ৪. কক্কারুপুপ্ফপূজকত্থেরঅপদানৰণ্ণনা • 4. Kakkārupupphapūjakattheraapadānavaṇṇanā
