327. Kākavatījātakaṃ (4-3-7)

105.

Vāti cāyaṃ ² tato gandho, yattha me vasatī piyā;

Dūre ito hi kākavatī ⁴, yattha me nirato mano.

106.

Kathaṃ samuddamatarī, kathaṃ atari kepukaṃ ⁶;

Kathaṃ satta samuddāni, kathaṃ simbalimāruhi.

107.

Tayā samuddamatariṃ, tayā atari kepukaṃ ⁸;

Tayā satta samuddāni, tayā simbalimāruhiṃ.

108.

Dhiratthumaṃ mahākāyaṃ, dhiratthumaṃ acetanaṃ;

Yattha jāyāyahaṃ jāraṃ, āvahāmi vahāmi cāti.

Kākavatījātakaṃ sattamaṃ.