| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
७. काकसुत्तवण्णना
7. Kākasuttavaṇṇanā
७७. सत्तमे धंसीति गुणधंसको। कस्सचि गुणं अनादियित्वा हत्थेनपि गहितो तस्स सीसेपि वच्चं करोति। पगब्भोति पागब्भियेन समन्नागतो। तिन्तिणोति तिन्तिणं वुच्चति तण्हा, ताय समन्नागतो, आसङ्काबहुलो वा। लुद्दोति दारुणो। अकारुणिकोति निक्कारुणिको। दुब्बलोति अबलो अप्पथामो। ओरविताति ओरवयुत्तो ओरवन्तो चरति। नेचयिकोति निचयकरो।
77. Sattame dhaṃsīti guṇadhaṃsako. Kassaci guṇaṃ anādiyitvā hatthenapi gahito tassa sīsepi vaccaṃ karoti. Pagabbhoti pāgabbhiyena samannāgato. Tintiṇoti tintiṇaṃ vuccati taṇhā, tāya samannāgato, āsaṅkābahulo vā. Luddoti dāruṇo. Akāruṇikoti nikkāruṇiko. Dubbaloti abalo appathāmo. Oravitāti oravayutto oravanto carati. Necayikoti nicayakaro.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ७. काकसुत्तं • 7. Kākasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / ५-१०. मिगसालासुत्तादिवण्णना • 5-10. Migasālāsuttādivaṇṇanā
