| Library / Tipiṭaka / තිපිටක • Tipiṭaka / අපදානපාළි • Apadānapāḷi |
6. කදම්බපුප්ඵියත්ථෙරඅපදානං
6. Kadambapupphiyattheraapadānaṃ
30.
30.
‘‘හිමවන්තස්සාවිදූරෙ , කුක්කුටො නාම පබ්බතො;
‘‘Himavantassāvidūre , kukkuṭo nāma pabbato;
තම්හි පබ්බතපාදම්හි, සත්ත බුද්ධා වසන්ති තෙ.
Tamhi pabbatapādamhi, satta buddhā vasanti te.
31.
31.
‘‘කදම්බං පුප්ඵිතං දිස්වා, දීපරාජංව උග්ගතං;
‘‘Kadambaṃ pupphitaṃ disvā, dīparājaṃva uggataṃ;
උභො හත්ථෙහි පග්ගය්හ, සත්ත බුද්ධෙ සමොකිරිං.
Ubho hatthehi paggayha, satta buddhe samokiriṃ.
32.
32.
‘‘චතුන්නවුතිතො කප්පෙ, යං පුප්ඵමභිරොපයිං;
‘‘Catunnavutito kappe, yaṃ pupphamabhiropayiṃ;
දුග්ගතිං නාභිජානාමි, බුද්ධපූජායිදං ඵලං.
Duggatiṃ nābhijānāmi, buddhapūjāyidaṃ phalaṃ.
33.
33.
‘‘ද්වෙනවුතෙ ඉතො කප්පෙ, සත්තාසුං පුප්ඵනාමකා;
‘‘Dvenavute ito kappe, sattāsuṃ pupphanāmakā;
සත්තරතනසම්පන්නා, චක්කවත්තී මහබ්බලා.
Sattaratanasampannā, cakkavattī mahabbalā.
34.
34.
‘‘පටිසම්භිදා චතස්සො…පෙ.… කතං බුද්ධස්ස සාසනං’’.
‘‘Paṭisambhidā catasso…pe… kataṃ buddhassa sāsanaṃ’’.
ඉත්ථං සුදං ආයස්මා කදම්බපුප්ඵියො ථෙරො ඉමා ගාථායො අභාසිත්ථාති;
Itthaṃ sudaṃ āyasmā kadambapupphiyo thero imā gāthāyo abhāsitthāti;
කදම්බපුප්ඵියත්ථෙරස්සාපදානං ඡට්ඨං.
Kadambapupphiyattherassāpadānaṃ chaṭṭhaṃ.
Related texts:
අට්ඨකථා • Aṭṭhakathā / සුත්තපිටක (අට්ඨකථා) • Suttapiṭaka (aṭṭhakathā) / ඛුද්දකනිකාය (අට්ඨකථා) • Khuddakanikāya (aṭṭhakathā) / අපදාන-අට්ඨකථා • Apadāna-aṭṭhakathā / 6. කදම්බපුප්ඵියත්ථෙරඅපදානවණ්ණනා • 6. Kadambapupphiyattheraapadānavaṇṇanā
