| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๖. กทมฺพปุปฺผิยเตฺถรอปทานํ
6. Kadambapupphiyattheraapadānaṃ
๓๐.
30.
‘‘หิมวนฺตสฺสาวิทูเร , กุกฺกุโฎ นาม ปพฺพโต;
‘‘Himavantassāvidūre , kukkuṭo nāma pabbato;
ตมฺหิ ปพฺพตปาทมฺหิ, สตฺต พุทฺธา วสนฺติ เตฯ
Tamhi pabbatapādamhi, satta buddhā vasanti te.
๓๑.
31.
‘‘กทมฺพํ ปุปฺผิตํ ทิสฺวา, ทีปราชํว อุคฺคตํ;
‘‘Kadambaṃ pupphitaṃ disvā, dīparājaṃva uggataṃ;
อุโภ หเตฺถหิ ปคฺคยฺห, สตฺต พุเทฺธ สโมกิริํฯ
Ubho hatthehi paggayha, satta buddhe samokiriṃ.
๓๒.
32.
‘‘จตุนฺนวุติโต กเปฺป, ยํ ปุปฺผมภิโรปยิํ;
‘‘Catunnavutito kappe, yaṃ pupphamabhiropayiṃ;
ทุคฺคติํ นาภิชานามิ, พุทฺธปูชายิทํ ผลํฯ
Duggatiṃ nābhijānāmi, buddhapūjāyidaṃ phalaṃ.
๓๓.
33.
‘‘เทฺวนวุเต อิโต กเปฺป, สตฺตาสุํ ปุปฺผนามกา;
‘‘Dvenavute ito kappe, sattāsuṃ pupphanāmakā;
สตฺตรตนสมฺปนฺนา, จกฺกวตฺตี มหพฺพลาฯ
Sattaratanasampannā, cakkavattī mahabbalā.
๓๔.
34.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา กทมฺพปุปฺผิโย เถโร อิมา คาถาโย อภาสิตฺถาติ;
Itthaṃ sudaṃ āyasmā kadambapupphiyo thero imā gāthāyo abhāsitthāti;
กทมฺพปุปฺผิยเตฺถรสฺสาปทานํ ฉฎฺฐํฯ
Kadambapupphiyattherassāpadānaṃ chaṭṭhaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๖. กทมฺพปุปฺผิยเตฺถรอปทานวณฺณนา • 6. Kadambapupphiyattheraapadānavaṇṇanā
