| Library / Tipiṭaka / ತಿಪಿಟಕ • Tipiṭaka / ಜಾತಕಪಾಳಿ • Jātakapāḷi |
೪೫೬. ಜುಣ್ಹಜಾತಕಂ (೨)
456. Juṇhajātakaṃ (2)
೧೩.
13.
ಸುಣೋಹಿ ಮಯ್ಹಂ ವಚನಂ ಜನಿನ್ದ, ಅತ್ಥೇನ ಜುಣ್ಹಮ್ಹಿ ಇಧಾನುಪತ್ತೋ।
Suṇohi mayhaṃ vacanaṃ janinda, atthena juṇhamhi idhānupatto;
೧೪.
14.
ಸುಣೋಮಿ ತಿಟ್ಠಾಮಿ ವದೇಹಿ ಬ್ರಹ್ಮೇ, ಯೇನಾಸಿ 5 ಅತ್ಥೇನ ಇಧಾನುಪತ್ತೋ।
Suṇomi tiṭṭhāmi vadehi brahme, yenāsi 6 atthena idhānupatto;
ಕಂ ವಾ ತ್ವಮತ್ಥಂ ಮಯಿ ಪತ್ಥಯಾನೋ, ಇಧಾಗಮಾ ಬ್ರಹ್ಮೇ ತದಿಙ್ಘ ಬ್ರೂಹಿ॥
Kaṃ vā tvamatthaṃ mayi patthayāno, idhāgamā brahme tadiṅgha brūhi.
೧೫.
15.
ದದಾಹಿ ಮೇ ಗಾಮವರಾನಿ ಪಞ್ಚ, ದಾಸೀಸತಂ ಸತ್ತ ಗವಂಸತಾನಿ।
Dadāhi me gāmavarāni pañca, dāsīsataṃ satta gavaṃsatāni;
ಪರೋಸಹಸ್ಸಞ್ಚ ಸುವಣ್ಣನಿಕ್ಖೇ, ಭರಿಯಾ ಚ ಮೇ ಸಾದಿಸೀ ದ್ವೇ ದದಾಹಿ॥
Parosahassañca suvaṇṇanikkhe, bhariyā ca me sādisī dve dadāhi.
೧೬.
16.
ತಪೋ ನು ತೇ ಬ್ರಾಹ್ಮಣ ಭಿಂಸರೂಪೋ, ಮನ್ತಾ ನು ತೇ ಬ್ರಾಹ್ಮಣ ಚಿತ್ತರೂಪಾ।
Tapo nu te brāhmaṇa bhiṃsarūpo, mantā nu te brāhmaṇa cittarūpā;
ಯಕ್ಖಾ ನು 7 ತೇ ಅಸ್ಸವಾ ಸನ್ತಿ ಕೇಚಿ, ಅತ್ಥಂ ವಾ ಮೇ ಅಭಿಜಾನಾಸಿ ಕತ್ತಂ॥
Yakkhā nu 8 te assavā santi keci, atthaṃ vā me abhijānāsi kattaṃ.
೧೭.
17.
ನ ಮೇ ತಪೋ ಅತ್ಥಿ ನ ಚಾಪಿ ಮನ್ತಾ, ಯಕ್ಖಾಪಿ ಮೇ ಅಸ್ಸವಾ ನತ್ಥಿ ಕೇಚಿ।
Na me tapo atthi na cāpi mantā, yakkhāpi me assavā natthi keci;
ಅತ್ಥಮ್ಪಿ ತೇ ನಾಭಿಜಾನಾಮಿ ಕತ್ತಂ, ಪುಬ್ಬೇ ಚ ಖೋ 9 ಸಙ್ಗತಿಮತ್ತಮಾಸಿ॥
Atthampi te nābhijānāmi kattaṃ, pubbe ca kho 10 saṅgatimattamāsi.
೧೮.
18.
ಪಠಮಂ ಇದಂ ದಸ್ಸನಂ ಜಾನತೋ ಮೇ, ನ ತಾಭಿಜಾನಾಮಿ ಇತೋ ಪುರತ್ಥಾ।
Paṭhamaṃ idaṃ dassanaṃ jānato me, na tābhijānāmi ito puratthā;
ಅಕ್ಖಾಹಿ ಮೇ ಪುಚ್ಛಿತೋ ಏತಮತ್ಥಂ, ಕದಾ ಕುಹಿಂ ವಾ ಅಹು ಸಙ್ಗಮೋ ನೋ॥
Akkhāhi me pucchito etamatthaṃ, kadā kuhiṃ vā ahu saṅgamo no.
೧೯.
19.
ಗನ್ಧಾರರಾಜಸ್ಸ ಪುರಮ್ಹಿ ರಮ್ಮೇ, ಅವಸಿಮ್ಹಸೇ ತಕ್ಕಸೀಲಾಯಂ ದೇವ।
Gandhārarājassa puramhi ramme, avasimhase takkasīlāyaṃ deva;
ತತ್ಥನ್ಧಕಾರಮ್ಹಿ ತಿಮೀಸಿಕಾಯಂ 11, ಅಂಸೇನ ಅಂಸಂ ಸಮಘಟ್ಟಯಿಮ್ಹ॥
Tatthandhakāramhi timīsikāyaṃ 12, aṃsena aṃsaṃ samaghaṭṭayimha.
೨೦.
20.
ಸಾಯೇವ ನೋ ಸಙ್ಗತಿಮತ್ತಮಾಸಿ, ತತೋ ನ ಪಚ್ಛಾ ನ ಪುರೇ ಅಹೋಸಿ॥
Sāyeva no saṅgatimattamāsi, tato na pacchā na pure ahosi.
೨೧.
21.
ಯದಾ ಕದಾಚಿ ಮನುಜೇಸು ಬ್ರಹ್ಮೇ, ಸಮಾಗಮೋ ಸಪ್ಪುರಿಸೇನ ಹೋತಿ।
Yadā kadāci manujesu brahme, samāgamo sappurisena hoti;
ನ ಪಣ್ಡಿತಾ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ವಿನಾಸಯನ್ತಿ॥
Na paṇḍitā saṅgatisanthavāni, pubbe kataṃ vāpi vināsayanti.
೨೨.
22.
ಬಾಲಾವ 17 ಖೋ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ವಿನಾಸಯನ್ತಿ।
Bālāva 18 kho saṅgatisanthavāni, pubbe kataṃ vāpi vināsayanti;
ಬಹುಮ್ಪಿ ಬಾಲೇಸು ಕತಂ ವಿನಸ್ಸತಿ, ತಥಾ ಹಿ ಬಾಲಾ ಅಕತಞ್ಞುರೂಪಾ॥
Bahumpi bālesu kataṃ vinassati, tathā hi bālā akataññurūpā.
೨೩.
23.
ಧೀರಾ ಚ ಖೋ ಸಙ್ಗತಿಸನ್ಥವಾನಿ, ಪುಬ್ಬೇ ಕತಂ ವಾಪಿ ನ ನಾಸಯನ್ತಿ।
Dhīrā ca kho saṅgatisanthavāni, pubbe kataṃ vāpi na nāsayanti;
ಅಪ್ಪಮ್ಪಿ ಧೀರೇಸು ಕತಂ ನ ನಸ್ಸತಿ, ತಥಾ ಹಿ ಧೀರಾ ಸುಕತಞ್ಞುರೂಪಾ॥
Appampi dhīresu kataṃ na nassati, tathā hi dhīrā sukataññurūpā.
೨೪.
24.
ದದಾಮಿ ತೇ ಗಾಮವರಾನಿ ಪಞ್ಚ, ದಾಸೀಸತಂ ಸತ್ತ ಗವಂಸತಾನಿ।
Dadāmi te gāmavarāni pañca, dāsīsataṃ satta gavaṃsatāni;
ಪರೋಸಹಸ್ಸಞ್ಚ ಸುವಣ್ಣನಿಕ್ಖೇ, ಭರಿಯಾ ಚ ತೇ ಸಾದಿಸೀ ದ್ವೇ ದದಾಮಿ॥
Parosahassañca suvaṇṇanikkhe, bhariyā ca te sādisī dve dadāmi.
೨೫.
25.
ಏವಂ ಸತಂ ಹೋತಿ ಸಮೇಚ್ಚ ರಾಜ, ನಕ್ಖತ್ತರಾಜಾರಿವ ತಾರಕಾನಂ।
Evaṃ sataṃ hoti samecca rāja, nakkhattarājāriva tārakānaṃ;
ಆಪೂರತೀ ಕಾಸಿಪತೀ ತಥಾಹಂ, ತಯಾಪಿ ಮೇ ಸಙ್ಗಮೋ ಅಜ್ಜ ಲದ್ಧೋತಿ॥
Āpūratī kāsipatī tathāhaṃ, tayāpi me saṅgamo ajja laddhoti.
ಜುಣ್ಹಜಾತಕಂ ದುತಿಯಂ।
Juṇhajātakaṃ dutiyaṃ.
Footnotes:
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಜಾತಕ-ಅಟ್ಠಕಥಾ • Jātaka-aṭṭhakathā / [೪೫೬] ೨. ಜುಣ್ಹಜಾತಕವಣ್ಣನಾ • [456] 2. Juṇhajātakavaṇṇanā
