| Library / Tipiṭaka / திபிடக • Tipiṭaka / ஜாதகபாளி • Jātakapāḷi |
456. ஜுண்ஹஜாதகங் (2)
456. Juṇhajātakaṃ (2)
13.
13.
ஸுணோஹி மய்ஹங் வசனங் ஜனிந்த³, அத்தே²ன ஜுண்ஹம்ஹி இதா⁴னுபத்தோ;
Suṇohi mayhaṃ vacanaṃ janinda, atthena juṇhamhi idhānupatto;
14.
14.
ஸுணோமி திட்டா²மி வதே³ஹி ப்³ரஹ்மே, யேனாஸி 5 அத்தே²ன இதா⁴னுபத்தோ;
Suṇomi tiṭṭhāmi vadehi brahme, yenāsi 6 atthena idhānupatto;
கங் வா த்வமத்த²ங் மயி பத்த²யானோ, இதா⁴க³மா ப்³ரஹ்மே ததி³ங்க⁴ ப்³ரூஹி.
Kaṃ vā tvamatthaṃ mayi patthayāno, idhāgamā brahme tadiṅgha brūhi.
15.
15.
த³தா³ஹி மே கா³மவரானி பஞ்ச, தா³ஸீஸதங் ஸத்த க³வங்ஸதானி;
Dadāhi me gāmavarāni pañca, dāsīsataṃ satta gavaṃsatāni;
பரோஸஹஸ்ஸஞ்ச ஸுவண்ணனிக்கே², ப⁴ரியா ச மே ஸாதி³ஸீ த்³வே த³தா³ஹி.
Parosahassañca suvaṇṇanikkhe, bhariyā ca me sādisī dve dadāhi.
16.
16.
தபோ நு தே ப்³ராஹ்மண பி⁴ங்ஸரூபோ, மந்தா நு தே ப்³ராஹ்மண சித்தரூபா;
Tapo nu te brāhmaṇa bhiṃsarūpo, mantā nu te brāhmaṇa cittarūpā;
யக்கா² நு 7 தே அஸ்ஸவா ஸந்தி கேசி, அத்த²ங் வா மே அபி⁴ஜானாஸி கத்தங்.
Yakkhā nu 8 te assavā santi keci, atthaṃ vā me abhijānāsi kattaṃ.
17.
17.
ந மே தபோ அத்தி² ந சாபி மந்தா, யக்கா²பி மே அஸ்ஸவா நத்தி² கேசி;
Na me tapo atthi na cāpi mantā, yakkhāpi me assavā natthi keci;
அத்த²ம்பி தே நாபி⁴ஜானாமி கத்தங், புப்³பே³ ச கோ² 9 ஸங்க³திமத்தமாஸி.
Atthampi te nābhijānāmi kattaṃ, pubbe ca kho 10 saṅgatimattamāsi.
18.
18.
பட²மங் இத³ங் த³ஸ்ஸனங் ஜானதோ மே, ந தாபி⁴ஜானாமி இதோ புரத்தா²;
Paṭhamaṃ idaṃ dassanaṃ jānato me, na tābhijānāmi ito puratthā;
அக்கா²ஹி மே புச்சி²தோ ஏதமத்த²ங், கதா³ குஹிங் வா அஹு ஸங்க³மோ நோ.
Akkhāhi me pucchito etamatthaṃ, kadā kuhiṃ vā ahu saṅgamo no.
19.
19.
க³ந்தா⁴ரராஜஸ்ஸ புரம்ஹி ரம்மே, அவஸிம்ஹஸே தக்கஸீலாயங் தே³வ;
Gandhārarājassa puramhi ramme, avasimhase takkasīlāyaṃ deva;
தத்த²ந்த⁴காரம்ஹி திமீஸிகாயங் 11, அங்ஸேன அங்ஸங் ஸமக⁴ட்டயிம்ஹ.
Tatthandhakāramhi timīsikāyaṃ 12, aṃsena aṃsaṃ samaghaṭṭayimha.
20.
20.
ஸாயேவ நோ ஸங்க³திமத்தமாஸி, ததோ ந பச்சா² ந புரே அஹோஸி.
Sāyeva no saṅgatimattamāsi, tato na pacchā na pure ahosi.
21.
21.
யதா³ கதா³சி மனுஜேஸு ப்³ரஹ்மே, ஸமாக³மோ ஸப்புரிஸேன ஹோதி;
Yadā kadāci manujesu brahme, samāgamo sappurisena hoti;
ந பண்டி³தா ஸங்க³திஸந்த²வானி, புப்³பே³ கதங் வாபி வினாஸயந்தி.
Na paṇḍitā saṅgatisanthavāni, pubbe kataṃ vāpi vināsayanti.
22.
22.
பா³லாவ 17 கோ² ஸங்க³திஸந்த²வானி, புப்³பே³ கதங் வாபி வினாஸயந்தி;
Bālāva 18 kho saṅgatisanthavāni, pubbe kataṃ vāpi vināsayanti;
ப³ஹும்பி பா³லேஸு கதங் வினஸ்ஸதி, ததா² ஹி பா³லா அகதஞ்ஞுரூபா.
Bahumpi bālesu kataṃ vinassati, tathā hi bālā akataññurūpā.
23.
23.
தீ⁴ரா ச கோ² ஸங்க³திஸந்த²வானி, புப்³பே³ கதங் வாபி ந நாஸயந்தி;
Dhīrā ca kho saṅgatisanthavāni, pubbe kataṃ vāpi na nāsayanti;
அப்பம்பி தீ⁴ரேஸு கதங் ந நஸ்ஸதி, ததா² ஹி தீ⁴ரா ஸுகதஞ்ஞுரூபா.
Appampi dhīresu kataṃ na nassati, tathā hi dhīrā sukataññurūpā.
24.
24.
த³தா³மி தே கா³மவரானி பஞ்ச, தா³ஸீஸதங் ஸத்த க³வங்ஸதானி;
Dadāmi te gāmavarāni pañca, dāsīsataṃ satta gavaṃsatāni;
பரோஸஹஸ்ஸஞ்ச ஸுவண்ணனிக்கே², ப⁴ரியா ச தே ஸாதி³ஸீ த்³வே த³தா³மி.
Parosahassañca suvaṇṇanikkhe, bhariyā ca te sādisī dve dadāmi.
25.
25.
ஏவங் ஸதங் ஹோதி ஸமேச்ச ராஜ, நக்க²த்தராஜாரிவ தாரகானங்;
Evaṃ sataṃ hoti samecca rāja, nakkhattarājāriva tārakānaṃ;
ஆபூரதீ காஸிபதீ ததா²ஹங், தயாபி மே ஸங்க³மோ அஜ்ஜ லத்³தோ⁴தி.
Āpūratī kāsipatī tathāhaṃ, tayāpi me saṅgamo ajja laddhoti.
ஜுண்ஹஜாதகங் து³தியங்.
Juṇhajātakaṃ dutiyaṃ.
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / ஜாதக-அட்ட²கதா² • Jātaka-aṭṭhakathā / [456] 2. ஜுண்ஹஜாதகவண்ணனா • [456] 2. Juṇhajātakavaṇṇanā
