| Library / Tipiṭaka / તિપિટક • Tipiṭaka / મહાવિભઙ્ગ-અટ્ઠકથા • Mahāvibhaṅga-aṭṭhakathā |
૬. જોતિસિક્ખાપદવણ્ણના
6. Jotisikkhāpadavaṇṇanā
૩૫૦. છટ્ઠે – ભગ્ગાતિ જનપદસ્સ નામં. સંસુમારગિરન્તિ નગરસ્સ. ભેસકળાવનન્તિ તન્નિસ્સિતવનસ્સ. તં પન મિગાનં ફાસુવિહારત્થાય દિન્નત્તા મિગદાયોતિ વુચ્ચતિ. સમાદહિત્વાતિ જાલેત્વા. પરિપાતેસીતિ અનુબન્ધિ.
350. Chaṭṭhe – bhaggāti janapadassa nāmaṃ. Saṃsumāragiranti nagarassa. Bhesakaḷāvananti tannissitavanassa. Taṃ pana migānaṃ phāsuvihāratthāya dinnattā migadāyoti vuccati. Samādahitvāti jāletvā. Paripātesīti anubandhi.
૩૫૨. પદીપેપીતિ પદીપુજ્જલનેપિ. જોતિકેપીતિ પત્તપચનસેદકમ્માદીસુ જોતિકરણે. તથારૂપપચ્ચયાતિ પદીપાદિપચ્ચયા.
352.Padīpepīti padīpujjalanepi. Jotikepīti pattapacanasedakammādīsu jotikaraṇe. Tathārūpapaccayāti padīpādipaccayā.
૩૫૪-૫. સયં સમાદહતીતિ એત્થ જોતિં સમાદહિતુકામતાય અરણિસણ્ઠપનતો પટ્ઠાય યાવ જાલા ન ઉટ્ઠહતિ, તાવ સબ્બપયોગેસુ દુક્કટં. પટિલાતં ઉક્ખિપતીતિ દય્હમાનં અલાતં પતિતં ઉક્ખિપતિ, પુન યથાઠાને ઠપેતીતિ અત્થો. એવં અવિજ્ઝાતં ઉક્ખિપિત્વા પક્ખિપન્તસ્સેવ દુક્કટં, વિજ્ઝાતં પુન જાલાપેન્તસ્સ પાચિત્તિયમેવ.
354-5.Sayaṃ samādahatīti ettha jotiṃ samādahitukāmatāya araṇisaṇṭhapanato paṭṭhāya yāva jālā na uṭṭhahati, tāva sabbapayogesu dukkaṭaṃ. Paṭilātaṃ ukkhipatīti dayhamānaṃ alātaṃ patitaṃ ukkhipati, puna yathāṭhāne ṭhapetīti attho. Evaṃ avijjhātaṃ ukkhipitvā pakkhipantasseva dukkaṭaṃ, vijjhātaṃ puna jālāpentassa pācittiyameva.
૩૫૬. તથારૂપપચ્ચયાતિ ઠપેત્વા પદીપાદીનિ અઞ્ઞેનપિ તથારૂપેન પચ્ચયેન સમાદહન્તસ્સ અનાપત્તિ. આપદાસૂતિ દુટ્ઠવાળમિગઅમનુસ્સેહિ ઉપદ્દવો હોતિ, તત્થ સમાદહન્તસ્સાપિ અનાપત્તિ. સેસં ઉત્તાનમેવાતિ. છસમુટ્ઠાનં – કિરિયં, નોસઞ્ઞાવિમોક્ખં, અચિત્તકં, પણ્ણત્તિવજ્જં, કાયકમ્મં, વચીકમ્મં, તિચિત્તં, તિવેદનન્તિ.
356.Tathārūpapaccayāti ṭhapetvā padīpādīni aññenapi tathārūpena paccayena samādahantassa anāpatti. Āpadāsūti duṭṭhavāḷamigaamanussehi upaddavo hoti, tattha samādahantassāpi anāpatti. Sesaṃ uttānamevāti. Chasamuṭṭhānaṃ – kiriyaṃ, nosaññāvimokkhaṃ, acittakaṃ, paṇṇattivajjaṃ, kāyakammaṃ, vacīkammaṃ, ticittaṃ, tivedananti.
જોતિસિક્ખાપદં છટ્ઠં.
Jotisikkhāpadaṃ chaṭṭhaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / મહાવિભઙ્ગ • Mahāvibhaṅga / ૬. સુરાપાનવગ્ગો • 6. Surāpānavaggo
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૬. જોતિસિક્ખાપદવણ્ણના • 6. Jotisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ૬. જોતિસિક્ખાપદવણ્ણના • 6. Jotisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૬. જોતિસિક્ખાપદવણ્ણના • 6. Jotisikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૬. જોતિસિક્ખાપદં • 6. Jotisikkhāpadaṃ
