| Library / Tipiṭaka / তিপিটক • Tipiṭaka / কঙ্খাৰিতরণী-অভিনৰ-টীকা • Kaṅkhāvitaraṇī-abhinava-ṭīkā |
৬. জোতিসিক্খাপদৰণ্ণনা
6. Jotisikkhāpadavaṇṇanā
অগিলানোতি যস্স ৰিনা অগ্গিনা ফাসু হোতি, সো ইধ অগিলানো নাম। জোতিন্তি অগ্গিং।
Agilānoti yassa vinā agginā phāsu hoti, so idha agilāno nāma. Jotinti aggiṃ.
ভগ্গেসূতি এৰংনামকে জনপদে। ভগ্গানাম জানপদিনো রাজকুমারা, তেসং নিৰাসো একোপি জনপদো রুল়্হিসদ্দেন ‘‘ভগ্গা’’তি ৰুচ্চতি। তেন ৰুত্তং ‘‘ভগ্গেসূতি এৰংনামকে জনপদে’’তি। তথা পতিলাতং উক্খিপন্তস্সাতি ডয্হমানং অলাতং পতিতং উক্খিপন্তস্স তথা দুক্কটন্তি অত্থো। তঞ্চাতি দুক্কটং পরামসতি। অৰিজ্ঝাতন্তি অনিব্বুতালাতং। পদীপজোতিকজন্তাঘরেতি পদীপুজ্জলনপত্তপচনসেদকম্মাদীসু জোতিকরণে অগ্গিসালাযঞ্চ সমাদহন্তস্স অনাপত্তীতি অত্থো। তথারূপপ্পচ্চযেতি ঠপেত্ৰা পদীপাদীনি অঞ্ঞস্মিম্পি তথারূপপচ্চযে। আপদাসূতি দুট্ঠৰাল়মিগঅমনুস্সেহি উপদ্দৰেসু।
Bhaggesūti evaṃnāmake janapade. Bhaggānāma jānapadino rājakumārā, tesaṃ nivāso ekopi janapado ruḷhisaddena ‘‘bhaggā’’ti vuccati. Tena vuttaṃ ‘‘bhaggesūti evaṃnāmake janapade’’ti. Tathā patilātaṃ ukkhipantassāti ḍayhamānaṃ alātaṃ patitaṃ ukkhipantassa tathā dukkaṭanti attho. Tañcāti dukkaṭaṃ parāmasati. Avijjhātanti anibbutālātaṃ. Padīpajotikajantāghareti padīpujjalanapattapacanasedakammādīsu jotikaraṇe aggisālāyañca samādahantassa anāpattīti attho. Tathārūpappaccayeti ṭhapetvā padīpādīni aññasmimpi tathārūpapaccaye. Āpadāsūti duṭṭhavāḷamigaamanussehi upaddavesu.
জোতিসিক্খাপদৰণ্ণনা নিট্ঠিতা।
Jotisikkhāpadavaṇṇanā niṭṭhitā.
