| Library / Tipiṭaka / ཏིཔིཊཀ • Tipiṭaka / པཉྩཔཀརཎ-མཱུལཊཱིཀཱ • Pañcapakaraṇa-mūlaṭīkā |
༡༠. ཛཱིཝིཏིནྡྲིཡཀཐཱཝཎྞནཱ
10. Jīvitindriyakathāvaṇṇanā
༥༤༠. ཨརཱུཔཛཱིཝིཏིནྡྲིཡནྟིཔཉྷེ ‘‘ཨཏྠི ཨརཱུཔཱིནཾ དྷམྨཱནཾ ཨཱཡཱུ’’ཏིཨཱདིཀཾ པཉྷཾ ཨནྟཾ གཧེཏྭཱ ཝདཏི། ཨརཱུཔདྷམྨཱནཾ ཙིཏྟཝིཔྤཡུཏྟཾ ཛཱིཝིཏིནྡྲིཡསནྟཱནཾ ནཱམ ཨཏྠཱིཏི ཨིཙྪཏཱིཏི ཨེཏྠ རཱུཔཱརཱུཔདྷམྨཱནཾ ཏཾ ཨིཙྪནྟོ ཨརཱུཔདྷམྨཱནཾ ཨིཙྪཏཱིཏི ཝཏྟུཾ ཡུཏྟོཏི ‘‘ཨརཱུཔདྷམྨཱན’’ནྟི ཝུཏྟནྟི དཊྛབྦཾ།
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
༥༤༡. སཏྟསནྟཱནེ རཱུཔིནོ ཝཱ དྷམྨཱ ཧོནྟཱུཏིཨཱདིནཱཔི ཏམེཝ ཛཱིཝིཏིནྡྲིཡསནྟཱནཾ ཝདཏཱིཏི ཝེདིཏབྦཾ།
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
༥༤༢. པུབྦཱཔརབྷཱགཾ སནྡྷཱཡཱཏི སམཱཔཏྟིཡཱ ཨཱསནྣབྷཱཝཏོ ཏདཱཔི སམཱཔནྣོཡེཝཱཏི ཨདྷིཔྤཱཡོ།
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
༥༤༤-༥༤༥. དྭེ ཛཱིཝིཏིནྡྲིཡཱནཱིཏི ‘‘པུཙྪཱ སཀཝཱདིསྶ, པཊིཉྙཱ ཨིཏརསྶཱ’’ཏི པུརིམཔཱཋོ། ‘‘པུཙྪཱ པརཝཱདིསྶ, པཊིཉྙཱ སཀཝཱདིསྶཱ’’ཏི པཙྪིམཔཱཋོ, སོ ཡུཏྟོ།
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
ཛཱིཝིཏིནྡྲིཡཀཐཱཝཎྞནཱ ནིཊྛིཏཱ།
Jīvitindriyakathāvaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༨༢) ༡༠. ཛཱིཝིཏིནྡྲིཡཀཐཱ • (82) 10. Jīvitindriyakathā
ཨཊྛཀཐཱ • Aṭṭhakathā / ཨབྷིདྷམྨཔིཊཀ (ཨཊྛཀཐཱ) • Abhidhammapiṭaka (aṭṭhakathā) / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā / ༡༠. ཛཱིཝིཏིནྡྲིཡཀཐཱཝཎྞནཱ • 10. Jīvitindriyakathāvaṇṇanā
ཊཱིཀཱ • Tīkā / ཨབྷིདྷམྨཔིཊཀ (ཊཱིཀཱ) • Abhidhammapiṭaka (ṭīkā) / པཉྩཔཀརཎ-ཨནུཊཱིཀཱ • Pañcapakaraṇa-anuṭīkā / ༡༠. ཛཱིཝིཏིནྡྲིཡཀཐཱཝཎྞནཱ • 10. Jīvitindriyakathāvaṇṇanā
