| Library / Tipiṭaka / တိပိဋက • Tipiṭaka / ပဉ္စပကရဏ-မူလဋီကာ • Pañcapakaraṇa-mūlaṭīkā |
၁၀. ဇီဝိတိန္ဒ္ရိယကထာဝဏ္ဏနာ
10. Jīvitindriyakathāvaṇṇanā
၅၄၀. အရူပဇီဝိတိန္ဒ္ရိယန္တိပဉ္ဟေ ‘‘အတ္ထိ အရူပီနံ ဓမ္မာနံ အာယူ’’တိအာဒိကံ ပဉ္ဟံ အန္တံ ဂဟေတ္ဝာ ဝဒတိ။ အရူပဓမ္မာနံ စိတ္တဝိပ္ပယုတ္တံ ဇီဝိတိန္ဒ္ရိယသန္တာနံ နာမ အတ္ထီတိ ဣစ္ဆတီတိ ဧတ္ထ ရူပာရူပဓမ္မာနံ တံ ဣစ္ဆန္တော အရူပဓမ္မာနံ ဣစ္ဆတီတိ ဝတ္တုံ ယုတ္တောတိ ‘‘အရူပဓမ္မာန’’န္တိ ဝုတ္တန္တိ ဒဋ္ဌဗ္ဗံ။
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
၅၄၁. သတ္တသန္တာနေ ရူပိနော ဝာ ဓမ္မာ ဟောန္တူတိအာဒိနာပိ တမေဝ ဇီဝိတိန္ဒ္ရိယသန္တာနံ ဝဒတီတိ ဝေဒိတဗ္ဗံ။
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
၅၄၂. ပုဗ္ဗာပရဘာဂံ သန္ဓာယာတိ သမာပတ္တိယာ အာသန္နဘာဝတော တဒာပိ သမာပန္နောယေဝာတိ အဓိပ္ပာယော။
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
၅၄၄-၅၄၅. ဒ္ဝေ ဇီဝိတိန္ဒ္ရိယာနီတိ ‘‘ပုစ္ဆာ သကဝာဒိသ္သ, ပဋိညာ ဣတရသ္သာ’’တိ ပုရိမပာဌော။ ‘‘ပုစ္ဆာ ပရဝာဒိသ္သ, ပဋိညာ သကဝာဒိသ္သာ’’တိ ပစ္ဆိမပာဌော, သော ယုတ္တော။
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
ဇီဝိတိန္ဒ္ရိယကထာဝဏ္ဏနာ နိဋ္ဌိတာ။
Jīvitindriyakathāvaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / အဘိဓမ္မပိဋက • Abhidhammapiṭaka / ကထာဝတ္ထုပာဠိ • Kathāvatthupāḷi / (၈၂) ၁၀. ဇီဝိတိန္ဒ္ရိယကထာ • (82) 10. Jīvitindriyakathā
အဋ္ဌကထာ • Aṭṭhakathā / အဘိဓမ္မပိဋက (အဋ္ဌကထာ) • Abhidhammapiṭaka (aṭṭhakathā) / ပဉ္စပကရဏ-အဋ္ဌကထာ • Pañcapakaraṇa-aṭṭhakathā / ၁၀. ဇီဝိတိန္ဒ္ရိယကထာဝဏ္ဏနာ • 10. Jīvitindriyakathāvaṇṇanā
ဋီကာ • Tīkā / အဘိဓမ္မပိဋက (ဋီကာ) • Abhidhammapiṭaka (ṭīkā) / ပဉ္စပကရဏ-အနုဋီကာ • Pañcapakaraṇa-anuṭīkā / ၁၀. ဇီဝိတိန္ဒ္ရိယကထာဝဏ္ဏနာ • 10. Jīvitindriyakathāvaṇṇanā
