| Library / Tipiṭaka / તિપિટક • Tipiṭaka / પઞ્ચપકરણ-મૂલટીકા • Pañcapakaraṇa-mūlaṭīkā |
૧૦. જીવિતિન્દ્રિયકથાવણ્ણના
10. Jīvitindriyakathāvaṇṇanā
૫૪૦. અરૂપજીવિતિન્દ્રિયન્તિપઞ્હે ‘‘અત્થિ અરૂપીનં ધમ્માનં આયૂ’’તિઆદિકં પઞ્હં અન્તં ગહેત્વા વદતિ. અરૂપધમ્માનં ચિત્તવિપ્પયુત્તં જીવિતિન્દ્રિયસન્તાનં નામ અત્થીતિ ઇચ્છતીતિ એત્થ રૂપારૂપધમ્માનં તં ઇચ્છન્તો અરૂપધમ્માનં ઇચ્છતીતિ વત્તું યુત્તોતિ ‘‘અરૂપધમ્માન’’ન્તિ વુત્તન્તિ દટ્ઠબ્બં.
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
૫૪૧. સત્તસન્તાને રૂપિનો વા ધમ્મા હોન્તૂતિઆદિનાપિ તમેવ જીવિતિન્દ્રિયસન્તાનં વદતીતિ વેદિતબ્બં.
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
૫૪૨. પુબ્બાપરભાગં સન્ધાયાતિ સમાપત્તિયા આસન્નભાવતો તદાપિ સમાપન્નોયેવાતિ અધિપ્પાયો.
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
૫૪૪-૫૪૫. દ્વે જીવિતિન્દ્રિયાનીતિ ‘‘પુચ્છા સકવાદિસ્સ, પટિઞ્ઞા ઇતરસ્સા’’તિ પુરિમપાઠો. ‘‘પુચ્છા પરવાદિસ્સ, પટિઞ્ઞા સકવાદિસ્સા’’તિ પચ્છિમપાઠો, સો યુત્તો.
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
જીવિતિન્દ્રિયકથાવણ્ણના નિટ્ઠિતા.
Jīvitindriyakathāvaṇṇanā niṭṭhitā.
Related texts:
તિપિટક (મૂલ) • Tipiṭaka (Mūla) / અભિધમ્મપિટક • Abhidhammapiṭaka / કથાવત્થુપાળિ • Kathāvatthupāḷi / (૮૨) ૧૦. જીવિતિન્દ્રિયકથા • (82) 10. Jīvitindriyakathā
અટ્ઠકથા • Aṭṭhakathā / અભિધમ્મપિટક (અટ્ઠકથા) • Abhidhammapiṭaka (aṭṭhakathā) / પઞ્ચપકરણ-અટ્ઠકથા • Pañcapakaraṇa-aṭṭhakathā / ૧૦. જીવિતિન્દ્રિયકથાવણ્ણના • 10. Jīvitindriyakathāvaṇṇanā
ટીકા • Tīkā / અભિધમ્મપિટક (ટીકા) • Abhidhammapiṭaka (ṭīkā) / પઞ્ચપકરણ-અનુટીકા • Pañcapakaraṇa-anuṭīkā / ૧૦. જીવિતિન્દ્રિયકથાવણ્ણના • 10. Jīvitindriyakathāvaṇṇanā
