| Library / Tipiṭaka / তিপিটক • Tipiṭaka / পঞ্চপকরণ-মূলটীকা • Pañcapakaraṇa-mūlaṭīkā |
১০. জীৰিতিন্দ্রিযকথাৰণ্ণনা
10. Jīvitindriyakathāvaṇṇanā
৫৪০. অরূপজীৰিতিন্দ্রিযন্তিপঞ্হে ‘‘অত্থি অরূপীনং ধম্মানং আযূ’’তিআদিকং পঞ্হং অন্তং গহেত্ৰা ৰদতি। অরূপধম্মানং চিত্তৰিপ্পযুত্তং জীৰিতিন্দ্রিযসন্তানং নাম অত্থীতি ইচ্ছতীতি এত্থ রূপারূপধম্মানং তং ইচ্ছন্তো অরূপধম্মানং ইচ্ছতীতি ৰত্তুং যুত্তোতি ‘‘অরূপধম্মান’’ন্তি ৰুত্তন্তি দট্ঠব্বং।
540. Arūpajīvitindriyantipañhe ‘‘atthi arūpīnaṃ dhammānaṃ āyū’’tiādikaṃ pañhaṃ antaṃ gahetvā vadati. Arūpadhammānaṃ cittavippayuttaṃ jīvitindriyasantānaṃ nāma atthīti icchatīti ettha rūpārūpadhammānaṃ taṃ icchanto arūpadhammānaṃ icchatīti vattuṃ yuttoti ‘‘arūpadhammāna’’nti vuttanti daṭṭhabbaṃ.
৫৪১. সত্তসন্তানে রূপিনো ৰা ধম্মা হোন্তূতিআদিনাপি তমেৰ জীৰিতিন্দ্রিযসন্তানং ৰদতীতি ৰেদিতব্বং।
541. Sattasantāne rūpino vā dhammā hontūtiādināpi tameva jīvitindriyasantānaṃ vadatīti veditabbaṃ.
৫৪২. পুব্বাপরভাগং সন্ধাযাতি সমাপত্তিযা আসন্নভাৰতো তদাপি সমাপন্নোযেৰাতি অধিপ্পাযো।
542. Pubbāparabhāgaṃ sandhāyāti samāpattiyā āsannabhāvato tadāpi samāpannoyevāti adhippāyo.
৫৪৪-৫৪৫. দ্ৰে জীৰিতিন্দ্রিযানীতি ‘‘পুচ্ছা সকৰাদিস্স, পটিঞ্ঞা ইতরস্সা’’তি পুরিমপাঠো। ‘‘পুচ্ছা পরৰাদিস্স, পটিঞ্ঞা সকৰাদিস্সা’’তি পচ্ছিমপাঠো, সো যুত্তো।
544-545. Dve jīvitindriyānīti ‘‘pucchā sakavādissa, paṭiññā itarassā’’ti purimapāṭho. ‘‘Pucchā paravādissa, paṭiññā sakavādissā’’ti pacchimapāṭho, so yutto.
জীৰিতিন্দ্রিযকথাৰণ্ণনা নিট্ঠিতা।
Jīvitindriyakathāvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / অভিধম্মপিটক • Abhidhammapiṭaka / কথাৰত্থুপাল়ি • Kathāvatthupāḷi / (৮২) ১০. জীৰিতিন্দ্রিযকথা • (82) 10. Jīvitindriyakathā
অট্ঠকথা • Aṭṭhakathā / অভিধম্মপিটক (অট্ঠকথা) • Abhidhammapiṭaka (aṭṭhakathā) / পঞ্চপকরণ-অট্ঠকথা • Pañcapakaraṇa-aṭṭhakathā / ১০. জীৰিতিন্দ্রিযকথাৰণ্ণনা • 10. Jīvitindriyakathāvaṇṇanā
টীকা • Tīkā / অভিধম্মপিটক (টীকা) • Abhidhammapiṭaka (ṭīkā) / পঞ্চপকরণ-অনুটীকা • Pañcapakaraṇa-anuṭīkā / ১০. জীৰিতিন্দ্রিযকথাৰণ্ণনা • 10. Jīvitindriyakathāvaṇṇanā
