| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༧. ཛིགུཙྪིཏབྦསུཏྟཝཎྞནཱ
7. Jigucchitabbasuttavaṇṇanā
༢༧. སཏྟམེ ཨབྦྷུགྒཙྪཏཱིཏི ཨེཏྠ ཨབྷི-སདྡཱཔེཀྑཱཡ ‘‘ན’’ནྟི སཱམིཨཏྠེ ཨུཔཡོགཝཙནནྟི ཨཱཧ ‘‘ཨསྶཱ’’ཏི ‘‘ཏཾ ཁོ པན བྷཝནྟ’’ནྟིཨཱདཱིསུ ཝིཡ། པཱཔཀོ ཀིཏྟིསདྡོཏི ལཱམཀབྷཱཝེན ཀཐེཏབྦསདྡོ། གཱུཐཀཱུཔོ ཝིཡ དུསྶཱིལྱནྟི ཨེཏེན དུསྶཱིལསྶ གཱུཐསདིསཏྟམེཝ དསྶེཏི། ཝཙནནྟི ཨནིཊྛཝཙནཾ། པུརིམནཡེནེཝཱཏི ‘‘གཱུཐཀཱུཔོ ཝིཡ དུསྶཱིལྱ’’ནྟིཨཱདིནཱ པུབྦེ ཝུཏྟནཡེན། སུཙིམིཏྟོཏི སཱིལཱཙཱརསུདྡྷིཡཱ སུཙིམིཏྟོ། སཧ ཨཡནྟི པཝཏྟནྟཱིཏི སཧཱཡཱཏི ཨཱཧ ‘‘སཧགཱམིནོ’’ཏི།
27. Sattame abbhuggacchatīti ettha abhi-saddāpekkhāya ‘‘na’’nti sāmiatthe upayogavacananti āha ‘‘assā’’ti ‘‘taṃ kho pana bhavanta’’ntiādīsu viya. Pāpako kittisaddoti lāmakabhāvena kathetabbasaddo. Gūthakūpo viya dussīlyanti etena dussīlassa gūthasadisattameva dasseti. Vacananti aniṭṭhavacanaṃ. Purimanayenevāti ‘‘gūthakūpo viya dussīlya’’ntiādinā pubbe vuttanayena. Sucimittoti sīlācārasuddhiyā sucimitto. Saha ayanti pavattantīti sahāyāti āha ‘‘sahagāmino’’ti.
ཛིགུཙྪིཏབྦསུཏྟཝཎྞནཱ ནིཊྛིཏཱ།
Jigucchitabbasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༧. ཛིགུཙྪིཏབྦསུཏྟཾ • 7. Jigucchitabbasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༧. ཛིགུཙྪིཏབྦསུཏྟཝཎྞནཱ • 7. Jigucchitabbasuttavaṇṇanā
