| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៧. ជិគុច្ឆិតព្ពសុត្តវណ្ណនា
7. Jigucchitabbasuttavaṇṇanā
២៧. សត្តមេ អព្ភុគ្គច្ឆតីតិ ឯត្ថ អភិ-សទ្ទាបេក្ខាយ ‘‘ន’’ន្តិ សាមិអត្ថេ ឧបយោគវចនន្តិ អាហ ‘‘អស្សា’’តិ ‘‘តំ ខោ បន ភវន្ត’’ន្តិអាទីសុ វិយ។ បាបកោ កិត្តិសទ្ទោតិ លាមកភាវេន កថេតព្ពសទ្ទោ។ គូថកូបោ វិយ ទុស្សីល្យន្តិ ឯតេន ទុស្សីលស្ស គូថសទិសត្តមេវ ទស្សេតិ។ វចនន្តិ អនិដ្ឋវចនំ។ បុរិមនយេនេវាតិ ‘‘គូថកូបោ វិយ ទុស្សីល្យ’’ន្តិអាទិនា បុព្ពេ វុត្តនយេន។ សុចិមិត្តោតិ សីលាចារសុទ្ធិយា សុចិមិត្តោ។ សហ អយន្តិ បវត្តន្តីតិ សហាយាតិ អាហ ‘‘សហគាមិនោ’’តិ។
27. Sattame abbhuggacchatīti ettha abhi-saddāpekkhāya ‘‘na’’nti sāmiatthe upayogavacananti āha ‘‘assā’’ti ‘‘taṃ kho pana bhavanta’’ntiādīsu viya. Pāpako kittisaddoti lāmakabhāvena kathetabbasaddo. Gūthakūpo viya dussīlyanti etena dussīlassa gūthasadisattameva dasseti. Vacananti aniṭṭhavacanaṃ. Purimanayenevāti ‘‘gūthakūpo viya dussīlya’’ntiādinā pubbe vuttanayena. Sucimittoti sīlācārasuddhiyā sucimitto. Saha ayanti pavattantīti sahāyāti āha ‘‘sahagāmino’’ti.
ជិគុច្ឆិតព្ពសុត្តវណ្ណនា និដ្ឋិតា។
Jigucchitabbasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៧. ជិគុច្ឆិតព្ពសុត្តំ • 7. Jigucchitabbasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៧. ជិគុច្ឆិតព្ពសុត្តវណ្ណនា • 7. Jigucchitabbasuttavaṇṇanā
