| Library / Tipiṭaka / д̇ибидага • Tipiṭaka / д̇хаммасан̇г̇ан̣ий-анудийгаа • Dhammasaṅgaṇī-anuṭīkā |
жхаанан̇г̇араасиван̣н̣анаа
Jhānaṅgarāsivaṇṇanā
вид̇аггананд̇и вид̇агганагирияаа, саа жа вид̇аггасса ад̇д̇ано бажжаязхи бавад̇д̇имад̇д̇амзваад̇и бхааванид̣̇д̣̇зсо васавад̇д̇ибхааванивааран̣ааяа ход̇и. яасмим̣ аарамман̣з жид̇д̇ам̣ абхиниробзд̇и, д̇ам̣ д̇асса г̇ахан̣аяог̇яам̣ гаронд̇о вид̇агго аагодзнд̇о вияа баривад̇д̇знд̇о вияа жа ход̇ийд̇и д̇асса аагоданалагкан̣ад̇аа барияаахананарасад̇аа жа вуд̇д̇аа. ид̣̇ан̃жа лагкан̣ам̣ гижжасанниссид̇ам̣ гад̇ваа вуд̇д̇ам̣. д̇хаммаанан̃хи сабхаававинимуд̇д̇аа гаажи гирияаа наама над̇т̇и, д̇ат̇аа г̇ахзд̇аб̣б̣аагааро. б̣од̇ханзяяаж̇анаанурод̇хзна бана барамад̇т̇ад̇о згасабхаавоби сабхаавад̇хаммо барияааяаважанзхи вияа самааробид̇аруубзхи б̣ахуухи багаарзхи багаасийяад̇и. зван̃хи со судту багаасид̇о ход̇ийд̇и.
Vitakkananti vitakkanakiriyā, sā ca vitakkassa attano paccayehi pavattimattamevāti bhāvaniddeso vasavattibhāvanivāraṇāya hoti. Yasmiṃ ārammaṇe cittaṃ abhiniropeti, taṃ tassa gahaṇayogyaṃ karonto vitakko ākoṭento viya parivattento viya ca hotīti tassa ākoṭanalakkhaṇatā pariyāhananarasatā ca vuttā. Idañca lakkhaṇaṃ kiccasannissitaṃ katvā vuttaṃ. Dhammānañhi sabhāvavinimuttā kāci kiriyā nāma natthi, tathā gahetabbākāro. Bodhaneyyajanānurodhena pana paramatthato ekasabhāvopi sabhāvadhammo pariyāyavacanehi viya samāropitarūpehi bahūhi pakārehi pakāsīyati. Evañhi so suṭṭhu pakāsito hotīti.
вибпааро наама вид̇аггасса т̇инамид̣̇д̇хабадибагко аарамман̣з анолийнад̇аа асан̇гожо, со бана абхиниробанабхаавад̇о жаланам̣ вияа ход̇ийд̇и ад̇хиббааязна ‘‘вибпаараваад̇и вижаланаяуд̇д̇о’’д̇и вуд̇д̇ам̣. убажаараббанаасу санд̇аанзна бавад̇д̇ияанд̇и зд̇зна яат̇аа абуб̣б̣аарамман̣з батамаабхинибаад̇абхууд̇о вид̇агго вибпаараваа ход̇и, на д̇ат̇аа згасмим̣язва аарамман̣з ниранд̇арам̣ ануббаб̣анд̇хавасзна бавад̇д̇ияам̣, наад̇ивибпаараваа бана д̇ад̇т̇а ход̇и саннисиннабхаавад̇од̇и д̣̇ассзд̇и. д̇знзвааха ‘‘нижжало худ̇ваа’’д̇иаад̣̇и.
Vipphāro nāma vitakkassa thinamiddhapaṭipakkho ārammaṇe anolīnatā asaṅkoco, so pana abhiniropanabhāvato calanaṃ viya hotīti adhippāyena ‘‘vipphāravāti vicalanayutto’’ti vuttaṃ. Upacārappanāsu santānena pavattiyanti etena yathā apubbārammaṇe paṭhamābhinipātabhūto vitakko vipphāravā hoti, na tathā ekasmiṃyeva ārammaṇe nirantaraṃ anuppabandhavasena pavattiyaṃ, nātivipphāravā pana tattha hoti sannisinnabhāvatoti dasseti. Tenevāha ‘‘niccalo hutvā’’tiādi.
‘‘бийд̇исукзна абхисанд̣̇зд̇ий’’д̇иаад̣̇иважанад̇о (д̣̇ий. ни. 1.226; ма. ни. 1.427) бийд̇ияаа паран̣ам̣ гааяависаяанд̇и яат̇аа д̇ам̣ ход̇и, д̇ам̣ д̣̇ассзд̇ум̣ ‘‘бан̣ийд̇аруубзхий’’д̇и вуд̇д̇ам̣.
‘‘Pītisukhena abhisandetī’’tiādivacanato (dī. ni. 1.226; ma. ni. 1.427) pītiyā pharaṇaṃ kāyavisayanti yathā taṃ hoti, taṃ dassetuṃ ‘‘paṇītarūpehī’’ti vuttaṃ.
висаарасса б̣яаг̇г̇абхаавасса бадибагко сабхааво ависааро, на висаараабхаавамад̇д̇ам̣. ависаараавигкзбаанам̣ самаад̇хаанабхаавад̇о ад̇т̇ад̇о висзсаабхаавзби самукзна самбаяуд̇д̇амукзна жа убхаяам̣ вуд̇д̇анд̇и д̣̇ассзд̇ум̣ ‘‘ависаа…бз… вигкзбо’’д̇и вуд̇д̇ам̣. висзсад̇од̇и ад̇исаязнаад̇и ваа ад̇т̇о г̇ахзд̇аб̣б̣о. сукан̃хи самаад̇хисса висзсагааран̣ам̣ ‘‘сукино жид̇д̇ам̣ самаад̇хияад̇ий’’д̇и (д̣̇ий. ни. 3.359; а. ни. 3.96; 6.10; 11.12) важанад̇о.
Visārassa byaggabhāvassa paṭipakkho sabhāvo avisāro, na visārābhāvamattaṃ. Avisārāvikkhepānaṃ samādhānabhāvato atthato visesābhāvepi samukhena sampayuttamukhena ca ubhayaṃ vuttanti dassetuṃ ‘‘avisā…pe… vikkhepo’’ti vuttaṃ. Visesatoti atisayenāti vā attho gahetabbo. Sukhañhi samādhissa visesakāraṇaṃ ‘‘sukhino cittaṃ samādhiyatī’’ti (dī. ni. 3.359; a. ni. 3.96; 6.10; 11.12) vacanato.
Related texts:
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / жхаанан̇г̇араасиван̣н̣анаа • Jhānaṅgarāsivaṇṇanā
