| Library / Tipiṭaka / ತಿಪಿಟಕ • Tipiṭaka / ಚೂಳನಿದ್ದೇಸಪಾಳಿ • Cūḷaniddesapāḷi |
೧೧. ಜತುಕಣ್ಣಿಮಾಣವಪುಚ್ಛಾ
11. Jatukaṇṇimāṇavapucchā
೧೨೧.
121.
‘‘ಸುತ್ವಾನಹಂ ವೀರಮಕಾಮಕಾಮಿಂ, [ಇಚ್ಚಾಯಸ್ಮಾ ಜತುಕಣ್ಣಿ]
‘‘Sutvānahaṃ vīramakāmakāmiṃ, [iccāyasmā jatukaṇṇi]
ಓಘಾತಿಗಂ ಪುಟ್ಠುಮಕಾಮಮಾಗಮಂ।
Oghātigaṃ puṭṭhumakāmamāgamaṃ;
ಸನ್ತಿಪದಂ ಬ್ರೂಹಿ ಸಹಜನೇತ್ತ, ಯಥಾತಚ್ಛಂ ಭಗವಾ ಬ್ರೂಹಿ ಮೇತಂ॥
Santipadaṃ brūhi sahajanetta, yathātacchaṃ bhagavā brūhi metaṃ.
೧೨೨.
122.
‘‘ಭಗವಾ ಹಿ ಕಾಮೇ ಅಭಿಭುಯ್ಯ ಇರಿಯತಿ, ಆದಿಚ್ಚೋವ ಪಥವಿಂ ತೇಜೀ ತೇಜಸಾ।
‘‘Bhagavā hi kāme abhibhuyya iriyati, ādiccova pathaviṃ tejī tejasā;
ಪರಿತ್ತಪಞ್ಞಸ್ಸ ಮೇ ಭೂರಿಪಞ್ಞ, ಆಚಿಕ್ಖ ಧಮ್ಮಂ ಯಮಹಂ ವಿಜಞ್ಞಂ।
Parittapaññassa me bhūripañña, ācikkha dhammaṃ yamahaṃ vijaññaṃ;
ಜಾತಿಜರಾಯ ಇಧ ವಿಪ್ಪಹಾನಂ’’॥
Jātijarāya idha vippahānaṃ’’.
೧೨೩.
123.
‘‘ಕಾಮೇಸು ವಿನಯ ಗೇಧಂ, [ಜತುಕಣ್ಣೀತಿ ಭಗವಾ]
‘‘Kāmesu vinaya gedhaṃ, [jatukaṇṇīti bhagavā]
ನೇಕ್ಖಮ್ಮಂ ದಟ್ಠು ಖೇಮತೋ।
Nekkhammaṃ daṭṭhu khemato;
ಉಗ್ಗಹಿತಂ ನಿರತ್ತಂ ವಾ, ಮಾ ತೇ ವಿಜ್ಜಿತ್ಥ ಕಿಞ್ಚನಂ॥
Uggahitaṃ nirattaṃ vā, mā te vijjittha kiñcanaṃ.
೧೨೪.
124.
‘‘ಯಂ ಪುಬ್ಬೇ ತಂ ವಿಸೋಸೇಹಿ, ಪಚ್ಛಾ ತೇ ಮಾಹು ಕಿಞ್ಚನಂ।
‘‘Yaṃ pubbe taṃ visosehi, pacchā te māhu kiñcanaṃ;
ಮಜ್ಝೇ ಚೇ ನೋ ಗಹೇಸ್ಸಸಿ, ಉಪಸನ್ತೋ ಚರಿಸ್ಸಸಿ॥
Majjhe ce no gahessasi, upasanto carissasi.
೧೨೫.
125.
‘‘ಸಬ್ಬಸೋ ನಾಮರೂಪಸ್ಮಿಂ, ವೀತಗೇಧಸ್ಸ ಬ್ರಾಹ್ಮಣ।
‘‘Sabbaso nāmarūpasmiṃ, vītagedhassa brāhmaṇa;
ಆಸವಾಸ್ಸ ನ ವಿಜ್ಜನ್ತಿ, ಯೇಹಿ ಮಚ್ಚುವಸಂ ವಜೇ’’ತಿ॥
Āsavāssa na vijjanti, yehi maccuvasaṃ vaje’’ti.
ಜತುಕಣ್ಣಿಮಾಣವಪುಚ್ಛಾ ಏಕಾದಸಮಾ।
Jatukaṇṇimāṇavapucchā ekādasamā.
Related texts:
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಖುದ್ದಕನಿಕಾಯ (ಅಟ್ಠಕಥಾ) • Khuddakanikāya (aṭṭhakathā) / ಚೂಳನಿದ್ದೇಸ-ಅಟ್ಠಕಥಾ • Cūḷaniddesa-aṭṭhakathā / ೧೧. ಜತುಕಣ್ಣಿಮಾಣವಸುತ್ತನಿದ್ದೇಸವಣ್ಣನಾ • 11. Jatukaṇṇimāṇavasuttaniddesavaṇṇanā
