| Library / Tipiṭaka / திபிடக • Tipiṭaka / உதா³னபாளி • Udānapāḷi |
9. ஜடிலஸுத்தங்
9. Jaṭilasuttaṃ
9. ஏவங் மே ஸுதங் – ஏகங் ஸமயங் ப⁴க³வா க³யாயங் விஹரதி க³யாஸீஸே. தேன கோ² பன ஸமயேன ஸம்ப³ஹுலா ஜடிலா ஸீதாஸு ஹேமந்திகாஸு ரத்தீஸு அந்தரட்ட²கே ஹிமபாதஸமயே க³யாயங் உம்முஜ்ஜந்திபி நிமுஜ்ஜந்திபி, உம்முஜ்ஜனிமுஜ்ஜம்பி கரொந்தி ஓஸிஞ்சந்திபி, அக்³கி³ம்பி ஜுஹந்தி – ‘‘இமினா ஸுத்³தீ⁴’’தி.
9. Evaṃ me sutaṃ – ekaṃ samayaṃ bhagavā gayāyaṃ viharati gayāsīse. Tena kho pana samayena sambahulā jaṭilā sītāsu hemantikāsu rattīsu antaraṭṭhake himapātasamaye gayāyaṃ ummujjantipi nimujjantipi, ummujjanimujjampi karonti osiñcantipi, aggimpi juhanti – ‘‘iminā suddhī’’ti.
அத்³த³ஸா கோ² ப⁴க³வா தே ஸம்ப³ஹுலே ஜடிலே ஸீதாஸு ஹேமந்திகாஸு ரத்தீஸு அந்தரட்ட²கே ஹிமபாதஸமயே க³யாயங் உம்முஜ்ஜந்தேபி நிமுஜ்ஜந்தேபி உம்முஜ்ஜனிமுஜ்ஜம்பி கரொந்தே 1 ஓஸிஞ்சந்தேபி அக்³கி³ம்பி ஜுஹந்தே – ‘‘இமினா ஸுத்³தீ⁴’’தி.
Addasā kho bhagavā te sambahule jaṭile sītāsu hemantikāsu rattīsu antaraṭṭhake himapātasamaye gayāyaṃ ummujjantepi nimujjantepi ummujjanimujjampi karonte 2 osiñcantepi aggimpi juhante – ‘‘iminā suddhī’’ti.
அத² கோ² ப⁴க³வா ஏதமத்த²ங் விதி³த்வா தாயங் வேலாயங் இமங் உதா³னங் உதா³னேஸி –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
யம்ஹி ஸச்சஞ்ச த⁴ம்மோ ச, ஸோ ஸுசீ ஸோ ச ப்³ராஹ்மணோ’’தி. நவமங்;
Yamhi saccañca dhammo ca, so sucī so ca brāhmaṇo’’ti. navamaṃ;
Footnotes:
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / கு²த்³த³கனிகாய (அட்ட²கதா²) • Khuddakanikāya (aṭṭhakathā) / உதா³ன-அட்ட²கதா² • Udāna-aṭṭhakathā / 9. ஜடிலஸுத்தவண்ணனா • 9. Jaṭilasuttavaṇṇanā
