| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
6. ж̇арааваг̇г̇о
6. Jarāvaggo
1. ж̇араасуд̇д̇аван̣н̣анаа
1. Jarāsuttavaṇṇanā
51. ж̇арааваг̇г̇асса батамз саад̇хууд̇и лад̣̇д̇хагам̣ бхад̣̇д̣̇агам̣. сийлам̣ яаава ж̇араад̇и иминаа ид̣̇ам̣ д̣̇ассзд̇и – яат̇аа муд̇д̇ааман̣ирад̇д̇авад̇т̇аад̣̇ийни аабхаран̣аани д̇арун̣агаалзязва собханд̇и, ж̇арааж̇ин̣н̣агаалз д̇аани д̇хаарзнд̇о ‘‘аяам̣ аж̇ж̇ааби б̣аалабхаавам̣ бад̇т̇зд̇и, уммад̇д̇аго ман̃н̃з’’д̇и вад̇д̇аб̣б̣ад̇ам̣ аабаж̇ж̇ад̇и , на звам̣ сийлам̣. сийлан̃хи нижжагаалам̣ собхад̇и. б̣аалагаалзби хи сийлам̣ рагканд̇ам̣ ‘‘гим̣ имасса сийлзнаа’’д̇и? вад̇д̇ааро над̇т̇и. маж̇жхимагаалзби махаллагагаалзбийд̇и.
51. Jarāvaggassa paṭhame sādhūti laddhakaṃ bhaddakaṃ. Sīlaṃ yāva jarāti iminā idaṃ dasseti – yathā muttāmaṇirattavatthādīni ābharaṇāni taruṇakāleyeva sobhanti, jarājiṇṇakāle tāni dhārento ‘‘ayaṃ ajjāpi bālabhāvaṃ pattheti, ummattako maññe’’ti vattabbataṃ āpajjati , na evaṃ sīlaṃ. Sīlañhi niccakālaṃ sobhati. Bālakālepi hi sīlaṃ rakkhantaṃ ‘‘kiṃ imassa sīlenā’’ti? Vattāro natthi. Majjhimakālepi mahallakakālepīti.
сад̣̇д̇хаа саад̇ху бад̇идтид̇аад̇и хад̇т̇аал̣авагажид̇д̇аг̇ахабад̇иаад̣̇ийнам̣ вияа маг̇г̇зна ааг̇ад̇аа бад̇идтид̇асад̣̇д̇хаа наама саад̇ху. бан̃н̃аа нараанам̣ рад̇ананд̇и зд̇т̇а жид̇д̇ийгад̇адтаад̣̇ийхи рад̇анам̣ взд̣̇ид̇аб̣б̣ам̣. вуд̇д̇ан̃хзд̇ам̣ –
Saddhāsādhu patiṭṭhitāti hatthāḷavakacittagahapatiādīnaṃ viya maggena āgatā patiṭṭhitasaddhā nāma sādhu. Paññā narānaṃ ratananti ettha cittīkataṭṭhādīhi ratanaṃ veditabbaṃ. Vuttañhetaṃ –
‘‘яад̣̇и жид̇д̇ийгад̇анд̇и рад̇анам̣, нану бхаг̇аваа жид̇д̇ийгад̇о бурисасийхо, яз жа логз жид̇д̇ийгад̇аа, д̇зсам̣ жид̇д̇ийгад̇о бхаг̇аваа. яад̣̇и рад̇игаранд̇и рад̇анам̣, нану бхаг̇аваа рад̇игаро бурисасийхо, д̇асса важанзна жаранд̇аа жхаанарад̇исукзна абхираманд̇и. яад̣̇и ад̇уляанд̇и рад̇анам̣, нану бхаг̇аваа ад̇уло бурисасийхо. на хи саггаа д̇улзд̇ум̣ г̇ун̣зхи г̇ун̣абаарамим̣ г̇ад̇о. яад̣̇и д̣̇уллабханд̇и рад̇анам̣, нану бхаг̇аваа д̣̇уллабхо бурисасийхо. яад̣̇и аномасад̇д̇абарибхог̇анд̇и рад̇анам̣, нану бхаг̇аваа аномо сийлзна самаад̇хинаа бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанзнаа’’д̇и.
‘‘Yadi cittīkatanti ratanaṃ, nanu bhagavā cittīkato purisasīho, ye ca loke cittīkatā, tesaṃ cittīkato bhagavā. Yadi ratikaranti ratanaṃ, nanu bhagavā ratikaro purisasīho, tassa vacanena carantā jhānaratisukhena abhiramanti. Yadi atulyanti ratanaṃ, nanu bhagavā atulo purisasīho. Na hi sakkā tuletuṃ guṇehi guṇapāramiṃ gato. Yadi dullabhanti ratanaṃ, nanu bhagavā dullabho purisasīho. Yadi anomasattaparibhoganti ratanaṃ, nanu bhagavā anomo sīlena samādhinā paññāya vimuttiyā vimuttiñāṇadassanenā’’ti.
ид̇ха бана д̣̇уллабхабаад̇убхаавадтзна бан̃н̃аа ‘‘рад̇ана’’нд̇и вуд̇д̇ам̣. бун̃н̃анд̇и бун̃н̃ажзд̇анаа, саа хи аруубад̇д̇аа барихарид̇ум̣ на саггаад̇и. батамам̣.
Idha pana dullabhapātubhāvaṭṭhena paññā ‘‘ratana’’nti vuttaṃ. Puññanti puññacetanā, sā hi arūpattā pariharituṃ na sakkāti. Paṭhamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 1. ж̇араасуд̇д̇ам̣ • 1. Jarāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. ж̇араасуд̇д̇аван̣н̣анаа • 1. Jarāsuttavaṇṇanā
