| Library / Tipiṭaka / ཏིཔིཊཀ • Tipiṭaka / པཉྩཔཀརཎ-ཨཊྛཀཐཱ • Pañcapakaraṇa-aṭṭhakathā |
༦. ཛརཱམརཎཀཐཱཝཎྞནཱ
6. Jarāmaraṇakathāvaṇṇanā
༧༢༦-༧༢༧. ཨིདཱནི ཛརཱམརཎཀཐཱ ནཱམ ཧོཏི། ཏཏྠ ཛརཱམརཎཾ ནཱམ ཨཔརིནིཔྥནྣཏྟཱ ལོཀིཡནྟི ཝཱ ལོཀུཏྟརནྟི ཝཱ ན ཝཏྟབྦཾ། ‘‘ལོཀིཡཱ དྷམྨཱ ལོཀུཏྟརཱ དྷམྨཱ’’ཏི ཧི དུཀེ ཛརཱམརཎཾ ནེཝ ལོཀིཡཔདེ, ན ལོཀུཏྟརཔདེ ནིདྡིཊྛཾ། ཏཏྠ ཡེསཾ ཨིམཾ ལཀྑཎཾ ཨནཱདིཡིཏྭཱ ལོཀུཏྟརཱནཾ དྷམྨཱནཾ ཛརཱམརཎཾ ལོཀུཏྟརནྟི ལདྡྷི, སེཡྻཐཱཔི མཧཱསངྒྷིཀཱནཾ, ཏེ སནྡྷཱཡ པུཙྪཱ སཀཝཱདིསྶ, པཊིཉྙཱ ཨིཏརསྶ། སེསམེཏྠ ཡཐཱཔཱལི༹མེཝ ནིཡྻཱཏཱིཏི།
726-727. Idāni jarāmaraṇakathā nāma hoti. Tattha jarāmaraṇaṃ nāma aparinipphannattā lokiyanti vā lokuttaranti vā na vattabbaṃ. ‘‘Lokiyā dhammā lokuttarā dhammā’’ti hi duke jarāmaraṇaṃ neva lokiyapade, na lokuttarapade niddiṭṭhaṃ. Tattha yesaṃ imaṃ lakkhaṇaṃ anādiyitvā lokuttarānaṃ dhammānaṃ jarāmaraṇaṃ lokuttaranti laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Sesamettha yathāpāḷimeva niyyātīti.
ཛརཱམརཎཀཐཱཝཎྞནཱ།
Jarāmaraṇakathāvaṇṇanā.
Related texts:
ཏིཔིཊཀ (མཱུལ) • Tipiṭaka (Mūla) / ཨབྷིདྷམྨཔིཊཀ • Abhidhammapiṭaka / ཀཐཱཝཏྠུཔཱལི༹ • Kathāvatthupāḷi / (༡༥༠) ༦. ཛརཱམརཎཀཐཱ • (150) 6. Jarāmaraṇakathā
