| Library / Tipiṭaka / तिपिटक • Tipiṭaka / पञ्चपकरण-अट्ठकथा • Pañcapakaraṇa-aṭṭhakathā |
६. जरामरणकथावण्णना
6. Jarāmaraṇakathāvaṇṇanā
७२६-७२७. इदानि जरामरणकथा नाम होति। तत्थ जरामरणं नाम अपरिनिप्फन्नत्ता लोकियन्ति वा लोकुत्तरन्ति वा न वत्तब्बं। ‘‘लोकिया धम्मा लोकुत्तरा धम्मा’’ति हि दुके जरामरणं नेव लोकियपदे, न लोकुत्तरपदे निद्दिट्ठं। तत्थ येसं इमं लक्खणं अनादियित्वा लोकुत्तरानं धम्मानं जरामरणं लोकुत्तरन्ति लद्धि, सेय्यथापि महासङ्घिकानं, ते सन्धाय पुच्छा सकवादिस्स, पटिञ्ञा इतरस्स। सेसमेत्थ यथापाळिमेव निय्यातीति।
726-727. Idāni jarāmaraṇakathā nāma hoti. Tattha jarāmaraṇaṃ nāma aparinipphannattā lokiyanti vā lokuttaranti vā na vattabbaṃ. ‘‘Lokiyā dhammā lokuttarā dhammā’’ti hi duke jarāmaraṇaṃ neva lokiyapade, na lokuttarapade niddiṭṭhaṃ. Tattha yesaṃ imaṃ lakkhaṇaṃ anādiyitvā lokuttarānaṃ dhammānaṃ jarāmaraṇaṃ lokuttaranti laddhi, seyyathāpi mahāsaṅghikānaṃ, te sandhāya pucchā sakavādissa, paṭiññā itarassa. Sesamettha yathāpāḷimeva niyyātīti.
जरामरणकथावण्णना।
Jarāmaraṇakathāvaṇṇanā.
Related texts:
तिपिटक (मूल) • Tipiṭaka (Mūla) / अभिधम्मपिटक • Abhidhammapiṭaka / कथावत्थुपाळि • Kathāvatthupāḷi / (१५०) ६. जरामरणकथा • (150) 6. Jarāmaraṇakathā
