| Library / Tipiṭaka / តិបិដក • Tipiṭaka / កថាវត្ថុបាឡិ • Kathāvatthupāḷi |
១៥. បន្នរសមវគ្គោ
15. Pannarasamavaggo
(១៥០) ៦. ជរាមរណកថា
(150) 6. Jarāmaraṇakathā
៧២៦. លោកុត្តរានំ ធម្មានំ ជរាមរណំ លោកុត្តរន្តិ? អាមន្តា។ មគ្គោ ផលំ និព្ពានំ, សោតាបត្តិមគ្គោ សោតាបត្តិផលំ…បេ.… ពោជ្ឈង្គោតិ ? ន ហេវំ វត្តព្ពេ…បេ.… សោតាបត្តិមគ្គស្ស ជរាមរណំ សោតាបត្តិមគ្គោតិ? ន ហេវំ វត្តព្ពេ…បេ.… សោតាបត្តិមគ្គស្ស ជរាមរណំ សោតាបត្តិមគ្គោតិ? អាមន្តា។ សោតាបត្តិផលស្ស ជរាមរណំ សោតាបត្តិផលន្តិ? ន ហេវំ វត្តព្ពេ …បេ.… សកទាគាមិមគ្គស្ស…បេ.… សកទាគាមិផលស្ស…បេ.… អនាគាមិមគ្គស្ស…បេ.… អនាគាមិផលស្ស…បេ.… អរហត្តមគ្គស្ស ជរាមរណំ អរហត្តមគ្គោតិ? ន ហេវំ វត្តព្ពេ…បេ.… អរហត្តមគ្គស្ស ជរាមរណំ អរហត្តមគ្គោតិ? អាមន្តា។ អរហត្តផលស្ស ជរាមរណំ អរហត្តផលន្តិ? ន ហេវំ វត្តព្ពេ…បេ.… សតិបដ្ឋានានំ… សម្មប្បធានានំ… ឥទ្ធិបាទានំ… ឥន្ទ្រិយានំ… ពលានំ… ពោជ្ឈង្គានំ ជរាមរណំ ពោជ្ឈង្គោតិ? ន ហេវំ វត្តព្ពេ…បេ.…។
726. Lokuttarānaṃ dhammānaṃ jarāmaraṇaṃ lokuttaranti? Āmantā. Maggo phalaṃ nibbānaṃ, sotāpattimaggo sotāpattiphalaṃ…pe… bojjhaṅgoti ? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Na hevaṃ vattabbe…pe… sotāpattimaggassa jarāmaraṇaṃ sotāpattimaggoti? Āmantā. Sotāpattiphalassa jarāmaraṇaṃ sotāpattiphalanti? Na hevaṃ vattabbe …pe… sakadāgāmimaggassa…pe… sakadāgāmiphalassa…pe… anāgāmimaggassa…pe… anāgāmiphalassa…pe… arahattamaggassa jarāmaraṇaṃ arahattamaggoti? Na hevaṃ vattabbe…pe… arahattamaggassa jarāmaraṇaṃ arahattamaggoti? Āmantā. Arahattaphalassa jarāmaraṇaṃ arahattaphalanti? Na hevaṃ vattabbe…pe… satipaṭṭhānānaṃ… sammappadhānānaṃ… iddhipādānaṃ… indriyānaṃ… balānaṃ… bojjhaṅgānaṃ jarāmaraṇaṃ bojjhaṅgoti? Na hevaṃ vattabbe…pe….
៧២៧. ន វត្តព្ពំ – ‘‘លោកុត្តរានំ ធម្មានំ ជរាមរណំ លោកុត្តរន្តិ? អាមន្តា។ លោកិយន្តិ? ន ហេវំ វត្តព្ពេ។ តេន ហិ លោកុត្តរន្តិ។
727. Na vattabbaṃ – ‘‘lokuttarānaṃ dhammānaṃ jarāmaraṇaṃ lokuttaranti? Āmantā. Lokiyanti? Na hevaṃ vattabbe. Tena hi lokuttaranti.
ជរាមរណកថា និដ្ឋិតា។
Jarāmaraṇakathā niṭṭhitā.
Related texts:
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៦. ជរាមរណកថាវណ្ណនា • 6. Jarāmaraṇakathāvaṇṇanā
