| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
8. ж̇аананд̇ааж̇аананд̇абаабагаран̣абан̃хо
8. Jānantājānantapāpakaraṇapañho
8. рааж̇аа ааха ‘‘бханд̇з нааг̇асзна, яо ж̇аананд̇о баабагаммам̣ гарод̇и, яо аж̇аананд̇о баабагаммам̣ гарод̇и, гасса б̣ахуд̇арам̣ абун̃н̃а’’нд̇и? т̇зро ааха ‘‘яо ко, махаарааж̇а, аж̇аананд̇о баабагаммам̣ гарод̇и, д̇асса б̣ахуд̇арам̣ абун̃н̃а’’нд̇и. ‘‘д̇зна хи, бханд̇з нааг̇асзна, яо амхаагам̣ рааж̇абуд̇д̇о ваа рааж̇амахаамад̇д̇о ваа аж̇аананд̇о баабагаммам̣ гарод̇и, д̇ам̣ маяам̣ д̣̇иг̇ун̣ам̣ д̣̇ан̣д̣змаа’’д̇и? ‘‘д̇ам̣ гим̣ ман̃н̃аси, махаарааж̇а, д̇ад̇д̇ам̣ аяог̇ул̣ам̣ аад̣̇ид̇д̇ам̣ самбаж̇ж̇алид̇ам̣ саж̇од̇ибхууд̇ам̣ зго ж̇аананд̇о г̇ан̣хзяяа, зго аж̇аананд̇о г̇ан̣хзяяа, гад̇амо 1 б̣алавад̇арам̣ д̣аяхзяяаа’’д̇и. ‘‘яо ко, бханд̇з, аж̇аананд̇о г̇ан̣хзяяа, со 2 б̣алавад̇арам̣ д̣аяхзяяаа’’д̇и. ‘‘звамзва ко, махаарааж̇а, яо аж̇аананд̇о баабагаммам̣ гарод̇и, д̇асса б̣ахуд̇арам̣ абун̃н̃а’’нд̇и.
8. Rājā āha ‘‘bhante nāgasena, yo jānanto pāpakammaṃ karoti, yo ajānanto pāpakammaṃ karoti, kassa bahutaraṃ apuñña’’nti? Thero āha ‘‘yo kho, mahārāja, ajānanto pāpakammaṃ karoti, tassa bahutaraṃ apuñña’’nti. ‘‘Tena hi, bhante nāgasena, yo amhākaṃ rājaputto vā rājamahāmatto vā ajānanto pāpakammaṃ karoti, taṃ mayaṃ diguṇaṃ daṇḍemā’’ti? ‘‘Taṃ kiṃ maññasi, mahārāja, tattaṃ ayoguḷaṃ ādittaṃ sampajjalitaṃ sajotibhūtaṃ eko jānanto gaṇheyya, eko ajānanto gaṇheyya, katamo 3 balavataraṃ ḍayheyyā’’ti. ‘‘Yo kho, bhante, ajānanto gaṇheyya, so 4 balavataraṃ ḍayheyyā’’ti. ‘‘Evameva kho, mahārāja, yo ajānanto pāpakammaṃ karoti, tassa bahutaraṃ apuñña’’nti.
‘‘галлоси, бханд̇з нааг̇асзнаа’’д̇и.
‘‘Kallosi, bhante nāgasenā’’ti.
ж̇аананд̇ааж̇аананд̇абаабагаран̣абан̃хо адтамо.
Jānantājānantapāpakaraṇapañho aṭṭhamo.
Footnotes:
