9. Jagatikārakattheraapadānaṃ

33.

‘‘Nibbute lokanāthamhi, atthadassi naruttame;

Jagatī kāritā mayhaṃ, buddhassa thūpamuttame.

34.

‘‘Aṭṭhārase kappasate, yaṃ kammamakariṃ tadā;

Duggatiṃ nābhijānāmi, jagatiyā idaṃ phalaṃ.

35.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā jagatikārako thero imā gāthāyo abhāsitthāti.

Jagatikārakattherassāpadānaṃ navamaṃ.