| Library / Tipiṭaka / តិបិដក • Tipiṭaka / បញ្ចបករណ-អនុដីកា • Pañcapakaraṇa-anuṭīkā |
៦. ឥតោទិន្នកថាវណ្ណនា
6. Itodinnakathāvaṇṇanā
៤៨៨-៤៩១. តេនេវ ចីវរាទិទានេនាតិ អនុមោទនំ វិនា ទាយកេន បវត្តិតចីវរាទិទានេន។ តេនាហ ‘‘សយំកតេន កម្មុនា វិនាបី’’តិ។ ឥមិនា ការណេនាតិ អនុមោទិតត្តាវ តេសំ តត្ថ ភោគា ឧប្បជ្ជន្តីតិ ឯតេន ការណេន។ យទិ យន្តិអាទិ បរវាទិនោ លទ្ធិបតិដ្ឋាបនាការទស្សនំ។ តត្ថ យទិ ន យាបេយ្យុំ, កថំ អនុមោទេយ្យុំ, ចិត្តំ បសាទេយ្យុំ , បីតិំ ឧប្បាទេយ្យុំ, សោមនស្សំ បដិលភេយ្យុន្តិ ឯកច្ចេ អញ្ញេ បេតេ អនុមោទនាទីនិ កត្វា យាបេន្តេ ទិស្វា អនុមោទនាទីនិ ករោន្តិ, តស្មា តេ ឥតោ ទិន្នេន យាបេន្តីតិ អធិប្បាយោ។
488-491. Tenevacīvarādidānenāti anumodanaṃ vinā dāyakena pavattitacīvarādidānena. Tenāha ‘‘sayaṃkatena kammunā vināpī’’ti. Iminā kāraṇenāti anumoditattāva tesaṃ tattha bhogā uppajjantīti etena kāraṇena. Yadi yantiādi paravādino laddhipatiṭṭhāpanākāradassanaṃ. Tattha yadi na yāpeyyuṃ, kathaṃ anumodeyyuṃ, cittaṃ pasādeyyuṃ, pītiṃ uppādeyyuṃ, somanassaṃ paṭilabheyyunti ekacce aññe pete anumodanādīni katvā yāpente disvā anumodanādīni karonti, tasmā te ito dinnena yāpentīti adhippāyo.
ឥតោទិន្នកថាវណ្ណនា និដ្ឋិតា។
Itodinnakathāvaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / អភិធម្មបិដក • Abhidhammapiṭaka / កថាវត្ថុបាឡិ • Kathāvatthupāḷi / (៦៨) ៦. ឥតោទិន្នកថា • (68) 6. Itodinnakathā
អដ្ឋកថា • Aṭṭhakathā / អភិធម្មបិដក (អដ្ឋកថា) • Abhidhammapiṭaka (aṭṭhakathā) / បញ្ចបករណ-អដ្ឋកថា • Pañcapakaraṇa-aṭṭhakathā / ៦. ឥតោទិន្នកថាវណ្ណនា • 6. Itodinnakathāvaṇṇanā
ដីកា • Tīkā / អភិធម្មបិដក (ដីកា) • Abhidhammapiṭaka (ṭīkā) / បញ្ចបករណ-មូលដីកា • Pañcapakaraṇa-mūlaṭīkā / ៦. ឥតោទិន្នកថាវណ្ណនា • 6. Itodinnakathāvaṇṇanā
