| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၇. ဣသ္သရိယသုတ္တဝဏ္ဏနာ
7. Issariyasuttavaṇṇanā
၇၇. သတ္တမေ သတ္ထမလန္တိ မလဂ္ဂဟိတသတ္ထံ။ ကိံ သု ဟရန္တံ ဝာရေန္တီတိ ကံ ဟရန္တံ နိသေဓေန္တိ။ ဝသောတိ အာဏာပဝတ္တနံ။ ဣတ္ထီတိ အဝိသ္သဇ္ဇနီယဘဏ္ဍတ္တာ ‘‘ဣတ္ထီ ဘဏ္ဍာနမုတ္တမံ, ဝရဘဏ္ဍ’’န္တိ အာဟ။ အထ ဝာ သဗ္ဗေပိ ဗောဓိသတ္တာ စ စက္ကဝတ္တိနော စ မာတုကုစ္ဆိယံယေဝ နိဗ္ဗတ္တန္တီတိ ‘‘ဣတ္ထီ ဘဏ္ဍာနမုတ္တမ’’န္တိ အာဟ။ ကောဓော သတ္ထမလန္တိ ကောဓော မလဂ္ဂဟိတသတ္ထသဒိသော, ပညာသတ္ထသ္သ ဝာ မလန္တိ သတ္ထမလံ။ အဗ္ဗုဒန္တိ ဝိနာသကာရဏံ, စောရာ လောကသ္မိံ ဝိနာသကာတိ အတ္ထော။ ဟရန္တောတိ သလာကဘတ္တာဒီနိ ဂဟေတ္ဝာ ဂစ္ဆန္တော။ သလာကဘတ္တာဒီနိ ဟိ ပဋ္ဌပိတကာလေယေဝ မနုသ္သေဟိ ပရိစ္စတ္တာနိ။ တေသံ တာနိ ဟရန္တော သမဏော ပိယော ဟောတိ, အနာဟရန္တေ ပုညဟာနိံ နိသ္သာယ ဝိပ္ပဋိသာရိနော ဟောန္တိ။ သတ္တမံ။
77. Sattame satthamalanti malaggahitasatthaṃ. Kiṃ su harantaṃ vārentīti kaṃ harantaṃ nisedhenti. Vasoti āṇāpavattanaṃ. Itthīti avissajjanīyabhaṇḍattā ‘‘itthī bhaṇḍānamuttamaṃ, varabhaṇḍa’’nti āha. Atha vā sabbepi bodhisattā ca cakkavattino ca mātukucchiyaṃyeva nibbattantīti ‘‘itthī bhaṇḍānamuttama’’nti āha. Kodho satthamalanti kodho malaggahitasatthasadiso, paññāsatthassa vā malanti satthamalaṃ. Abbudanti vināsakāraṇaṃ, corā lokasmiṃ vināsakāti attho. Harantoti salākabhattādīni gahetvā gacchanto. Salākabhattādīni hi paṭṭhapitakāleyeva manussehi pariccattāni. Tesaṃ tāni haranto samaṇo piyo hoti, anāharante puññahāniṃ nissāya vippaṭisārino honti. Sattamaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၇. ဣသ္သရိယသုတ္တံ • 7. Issariyasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၇. ဣသ္သရိယသုတ္တဝဏ္ဏနာ • 7. Issariyasuttavaṇṇanā
