5. Isimuggadāyakattheraapadānaṃ

24.

‘‘Udentaṃ sataraṃsiṃva, pītaraṃsiṃva ² bhāṇumaṃ;

Kakudhaṃ vilasantaṃva, padumuttaranāyakaṃ.

25.

‘‘Isimuggāni pisitvā ⁴, madhukhudde anīḷake;

Pāsādeva ṭhito santo, adāsiṃ lokabandhuno.

26.

‘‘Aṭṭhasatasahassāni, ahesuṃ buddhasāvakā;

Sabbesaṃ pattapūrentaṃ ⁶, tato cāpi bahuttaraṃ.

27.

‘‘Tena cittappasādena, sukkamūlena codito;

Kappānaṃ satasahassaṃ, duggatiṃ nupapajjahaṃ.

28.

‘‘Cattālīsamhi sahasse, kappānaṃ aṭṭhatiṃsa te;

Isimuggasanāmā ⁸ te, cakkavattī mahabbalā.

29.

‘‘Paṭisambhidā catasso…pe… kataṃ buddhassa sāsanaṃ’’.

Itthaṃ sudaṃ āyasmā isimuggadāyako thero imā gāthāyo abhāsitthāti.

Isimuggadāyakattherassāpadānaṃ pañcamaṃ.