| Library / Tipiṭaka / ติปิฎก • Tipiṭaka / เถรคาถาปาฬิ • Theragāthāpāḷi |
๑๐. อิสิทตฺตเตฺถรคาถา
10. Isidattattheragāthā
๑๒๐.
120.
‘‘ปญฺจกฺขนฺธา ปริญฺญาตา, ติฎฺฐนฺติ ฉินฺนมูลกา;
‘‘Pañcakkhandhā pariññātā, tiṭṭhanti chinnamūlakā;
ทุกฺขกฺขโย อนุปฺปโตฺต,ปโตฺต เม อาสวกฺขโย’’ติฯ
Dukkhakkhayo anuppatto,patto me āsavakkhayo’’ti.
… อิสิทโตฺต เถโร…ฯ
… Isidatto thero….
วโคฺค ทฺวาทสโม นิฎฺฐิโตฯ
Vaggo dvādasamo niṭṭhito.
ตสฺสุทฺทานํ –
Tassuddānaṃ –
เชโนฺต จ วจฺฉโคโตฺต จ, วโจฺฉ จ วนสวฺหโย;
Jento ca vacchagotto ca, vaccho ca vanasavhayo;
อธิมุโตฺต มหานาโม, ปาราปริโย ยโสปิ จ;
Adhimutto mahānāmo, pārāpariyo yasopi ca;
กิมิโล วชฺชิปุโตฺต จ, อิสิทโตฺต มหายโสติฯ
Kimilo vajjiputto ca, isidatto mahāyasoti.
เอกกนิปาโต นิฎฺฐิโตฯ
Ekakanipāto niṭṭhito.
ตตฺรุทฺทานํ –
Tatruddānaṃ –
วีสุตฺตรสตํ เถรา, กตกิจฺจา อนาสวา;
Vīsuttarasataṃ therā, katakiccā anāsavā;
เอกเกว นิปาตมฺหิ, สุสงฺคีตา มเหสิภีติฯ
Ekakeva nipātamhi, susaṅgītā mahesibhīti.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / เถรคาถา-อฎฺฐกถา • Theragāthā-aṭṭhakathā / ๑๐. อิสิทตฺตเตฺถรคาถาวณฺณนา • 10. Isidattattheragāthāvaṇṇanā
