| Library / Tipiṭaka / តិបិដក • Tipiṭaka / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) |
៨. ឥន្ទ្រិយសំវរសុត្តវណ្ណនា
8. Indriyasaṃvarasuttavaṇṇanā
៥០. អដ្ឋមេ ហតូបនិសំ ហោតីតិ ហតូបនិស្សយំ ហោតិ។ សីលវិបន្នស្សាតិ វិបន្នសីលស្ស។ យថាភូតញាណទស្សនន្តិ តរុណវិបស្សនាញាណំ។ និព្ពិទាវិរាគោតិ ឯត្ថ និព្ពិទា ពលវវិបស្សនា, វិរាគោ អរិយមគ្គោ។ វិមុត្តិញាណទស្សនន្តិ ឯត្ថ វិមុត្តីតិ អរហត្តផលំ, ញាណទស្សនន្តិ បច្ចវេក្ខណញាណំ។ ឧបនិស្សយសម្បន្នំ ហោតីតិ សម្បន្នឧបនិស្សយំ ហោតិ។ ឥមស្មិំ សុត្តេ សីលានុរក្ខណឥន្ទ្រិយសំវរោ កថិតោ។
50. Aṭṭhame hatūpanisaṃ hotīti hatūpanissayaṃ hoti. Sīlavipannassāti vipannasīlassa. Yathābhūtañāṇadassananti taruṇavipassanāñāṇaṃ. Nibbidāvirāgoti ettha nibbidā balavavipassanā, virāgo ariyamaggo. Vimuttiñāṇadassananti ettha vimuttīti arahattaphalaṃ, ñāṇadassananti paccavekkhaṇañāṇaṃ. Upanissayasampannaṃ hotīti sampannaupanissayaṃ hoti. Imasmiṃ sutte sīlānurakkhaṇaindriyasaṃvaro kathito.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៨. ឥន្ទ្រិយសំវរសុត្តំ • 8. Indriyasaṃvarasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៨. ឥន្ទ្រិយសំវរសុត្តវណ្ណនា • 8. Indriyasaṃvarasuttavaṇṇanā
