| Library / Tipiṭaka / तिपिटक • Tipiṭaka / संयुत्तनिकाय (टीका) • Saṃyuttanikāya (ṭīkā) |
९-१०. इन्द्रियसम्पन्नसुत्तादिवण्णना
9-10. Indriyasampannasuttādivaṇṇanā
१५४-१५५. ‘‘सम्पन्नसीला, भिक्खवे, विहरथा’’तिआदीसु (म॰ नि॰ १.६४) विय परिपुण्णत्थो इध सम्पन्न-सद्दोति आह ‘‘परिपुण्णिन्द्रियो’’ति। इन्द्रियेहि समन्नागतत्ता परिपुण्णिन्द्रियो नाम होतीति सम्बन्धो। एवं सति समन्नागमसम्पत्ति वुत्ता होतीति आसङ्कन्तो ‘‘चक्खादीनि वा’’तिआदिमाह। तं सन्धायाति दुतियविकप्पेन वुत्तमत्थं सन्धाय। हेट्ठा खन्धियवग्गे खन्धवसेन देसना आगता, इध आयतनवसेनाति आह ‘‘वुत्तनयमेवा’’ति।
154-155. ‘‘Sampannasīlā, bhikkhave, viharathā’’tiādīsu (ma. ni. 1.64) viya paripuṇṇattho idha sampanna-saddoti āha ‘‘paripuṇṇindriyo’’ti. Indriyehi samannāgatattā paripuṇṇindriyo nāma hotīti sambandho. Evaṃ sati samannāgamasampatti vuttā hotīti āsaṅkanto ‘‘cakkhādīni vā’’tiādimāha. Taṃ sandhāyāti dutiyavikappena vuttamatthaṃ sandhāya. Heṭṭhā khandhiyavagge khandhavasena desanā āgatā, idha āyatanavasenāti āha ‘‘vuttanayamevā’’ti.
इन्द्रियसम्पन्नसुत्तादिवण्णना निट्ठिता।
Indriyasampannasuttādivaṇṇanā niṭṭhitā.
नवपुराणवग्गवण्णना निट्ठिता।
Navapurāṇavaggavaṇṇanā niṭṭhitā.
ततियो पण्णासको।
Tatiyo paṇṇāsako.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
९. इन्द्रियसम्पन्नसुत्तं • 9. Indriyasampannasuttaṃ
१०. धम्मकथिकपुच्छसुत्तं • 10. Dhammakathikapucchasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / संयुत्तनिकाय (अट्ठकथा) • Saṃyuttanikāya (aṭṭhakathā) / ९-१०. इन्द्रियसम्पन्नसुत्तादिवण्णना • 9-10. Indriyasampannasuttādivaṇṇanā
