| Library / Tipiṭaka / തിപിടക • Tipiṭaka / പഞ്ചപകരണ-അട്ഠകഥാ • Pañcapakaraṇa-aṭṭhakathā |
൬. ഇദം ദുക്ഖന്തികഥാവണ്ണനാ
6. Idaṃ dukkhantikathāvaṇṇanā
൬൧൮-൮൨൦. ഇദാനി ഇദം ദുക്ഖന്തികഥാ നാമ ഹോതി. തത്ഥ യേസം ‘‘ലോകുത്തരമഗ്ഗക്ഖണേ യോഗാവചരോ ഇദം ദുക്ഖന്തി വാചം ഭാസതി, ഏവമസ്സ ഇദം ദുക്ഖന്തി വാചം ഭാസതോ ച ഇദം ദുക്ഖന്തി ഞാണം പവത്തതീ’’തി ലദ്ധി, സേയ്യഥാപി അന്ധകാനം; തേ സന്ധായ പുച്ഛാ സകവാദിസ്സ, മഗ്ഗക്ഖണേ തഥാ വാചാഭാസനം ഞാണപ്പവത്തിഞ്ച സന്ധായ പടിഞ്ഞാ ഇതരസ്സ. യസ്മാ പന സോ സേസസച്ചപടിസംയുത്തം വാചം പുഥുജ്ജനോവ ഭാസതി , ന ച തസ്സ തഥാ ഞാണപ്പവത്തീതി ഇച്ഛതി, തസ്മാ സമുദയാദിപഞ്ഹേസു പടിക്ഖിപതി. രൂപം അനിച്ചന്തിആദി ദുക്ഖപരിയായദസ്സനവസേന വുത്തം. ഇതരോ പന സകസമയേ താദിസം വോഹാരം അപസ്സന്തോ പടിക്ഖിപതി. ഇതി ച ദന്തി ചാതിആദി യദി തസ്സ ദുക്ഖേ ഞാണം പവത്തതി, ഇ-കാര ദം-കാര ദു-കാര ഖ-കാരേസു പടിപാടിയാ ചതൂഹി ഞാണേഹി പവത്തിതബ്ബന്തി ദസ്സേതും വുത്തം. ഇതരോ പന തഥാ ന ഇച്ഛതി, തസ്മാ പടിക്ഖിപതി.
618-620. Idāni idaṃ dukkhantikathā nāma hoti. Tattha yesaṃ ‘‘lokuttaramaggakkhaṇe yogāvacaro idaṃ dukkhanti vācaṃ bhāsati, evamassa idaṃ dukkhanti vācaṃ bhāsato ca idaṃ dukkhanti ñāṇaṃ pavattatī’’ti laddhi, seyyathāpi andhakānaṃ; te sandhāya pucchā sakavādissa, maggakkhaṇe tathā vācābhāsanaṃ ñāṇappavattiñca sandhāya paṭiññā itarassa. Yasmā pana so sesasaccapaṭisaṃyuttaṃ vācaṃ puthujjanova bhāsati , na ca tassa tathā ñāṇappavattīti icchati, tasmā samudayādipañhesu paṭikkhipati. Rūpaṃ aniccantiādi dukkhapariyāyadassanavasena vuttaṃ. Itaro pana sakasamaye tādisaṃ vohāraṃ apassanto paṭikkhipati. Iti ca danti cātiādi yadi tassa dukkhe ñāṇaṃ pavattati, i-kāra daṃ-kāra du-kāra kha-kāresu paṭipāṭiyā catūhi ñāṇehi pavattitabbanti dassetuṃ vuttaṃ. Itaro pana tathā na icchati, tasmā paṭikkhipati.
ഇദം ദുക്ഖന്തികഥാവണ്ണനാ.
Idaṃ dukkhantikathāvaṇṇanā.
Related texts:
തിപിടക (മൂല) • Tipiṭaka (Mūla) / അഭിധമ്മപിടക • Abhidhammapiṭaka / കഥാവത്ഥുപാളി • Kathāvatthupāḷi / (൧൧൧) ൬. ഇദം ദുക്ഖന്തികഥാ • (111) 6. Idaṃ dukkhantikathā
ടീകാ • Tīkā / അഭിധമ്മപിടക (ടീകാ) • Abhidhammapiṭaka (ṭīkā) / പഞ്ചപകരണ-മൂലടീകാ • Pañcapakaraṇa-mūlaṭīkā / ൬. ഇദംദുക്ഖന്തികഥാവണ്ണനാ • 6. Idaṃdukkhantikathāvaṇṇanā
