| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၉. ဣစ္ဆာသုတ္တဝဏ္ဏနာ
9. Icchāsuttavaṇṇanā
၆၉. နဝမေ ဝိနယာယာတိ ဝိနယေန။ ကရဏတ္ထေ ဟိ ဣဒံ သမ္ပဒာနဝစနံ။ ကိသ္သသ္သူတိ ကိသ္သ, သု-ကာရော နိပာတမတ္တံ။ သဗ္ဗံ ဆိန္ဒတိ ဗန္ဓနန္တိ သဗ္ဗံ ဒသဝိဓမ္ပိ သံယောဇနံ သမုစ္ဆိန္ဒတိ။ န ဟိ တံ ကိဉ္စိ ကိလေသဗန္ဓနံ အတ္ထိ, ယံ အသမုစ္ဆိန္နံ ဟုတ္ဝာ ဌိတံ အသ္သာ တဏ္ဟာယ သမုစ္ဆိန္နာယ။ သ္ဝာယမတ္ထော သုဝိညေယ္ယောတိ အာဟ ‘‘သဗ္ဗံ ဥတ္တာနမေဝာ’’တိ။
69. Navame vinayāyāti vinayena. Karaṇatthe hi idaṃ sampadānavacanaṃ. Kissassūti kissa, su-kāro nipātamattaṃ. Sabbaṃ chindati bandhananti sabbaṃ dasavidhampi saṃyojanaṃ samucchindati. Na hi taṃ kiñci kilesabandhanaṃ atthi, yaṃ asamucchinnaṃ hutvā ṭhitaṃ assā taṇhāya samucchinnāya. Svāyamattho suviññeyyoti āha ‘‘sabbaṃ uttānamevā’’ti.
ဣစ္ဆာသုတ္တဝဏ္ဏနာ နိဋ္ဌိတာ။
Icchāsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၉. ဣစ္ဆာသုတ္တံ • 9. Icchāsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၇-၉. ဥဍ္ဍိတသုတ္တာဒိဝဏ္ဏနာ • 7-9. Uḍḍitasuttādivaṇṇanā
