| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၂. ဒုတိယဝဂ္ဂော
2. Dutiyavaggo
၁-၂. ဣစ္ဆာနင္ဂလသုတ္တာဒိဝဏ္ဏနာ
1-2. Icchānaṅgalasuttādivaṇṇanā
၉၈၇-၉၈၈. ကသ္မာတိအာဒိ ဝိဟာရသမာပတ္တိအာစိက္ခဏေ ကာရဏံ ဝိဘာဝေတုံ အာရဒ္ဓံ။
987-988.Kasmātiādi vihārasamāpattiācikkhaṇe kāraṇaṃ vibhāvetuṃ āraddhaṃ.
ဧဝ-ဝာကာရောတိ ဧဝ-ကာရော ဝာ-ကာရော စ။ ဧကန္တသန္တတ္တာ ဧကန္တေန သန္တမနသိကာရဘာဝတော။ သေက္ခဝစနေနေဝ တေသံ သိက္ခိတဗ္ဗသ္သ အတ္ထိဘာဝေ သိဒ္ဓေပိ သိက္ခိတဗ္ဗရဟိတေသု တေသုပိ သေက္ခပရိယာယသ္သ ဝုစ္စမာနတ္တာ သိက္ခိတဗ္ဗသဒ္ဒေန သေက္ခေ ဝိသေသေတ္ဝာ ဝုတ္တာ။ အာသဝက္ခယတ္ထံ သိက္ခိတဗ္ဗသ္သ အဘာဝေပိ ဒိဋ္ဌဓမ္မသုခဝိဟာရတ္ထံ ဈာနာဒိသိက္ခနေန ဝိနာ သိက္ခိတဗ္ဗာဘာဝာ ‘‘အသေက္ခာ နာမာ’’တိ ဝုတ္တာ။ ဗုဒ္ဓာနံ ပန သဗ္ဗသော သမ္မဒေဝ ပရိနိဋ္ဌိတသိက္ခတ္တာ ‘‘သိက္ခာမီ’’တိ န ဝုတ္တံ။ အာနာပာနဇ္ဈာနဖလသမာပတ္တိ တထာဂတဝိဟာရော။
Eva-vākāroti eva-kāro vā-kāro ca. Ekantasantattā ekantena santamanasikārabhāvato. Sekkhavacaneneva tesaṃ sikkhitabbassa atthibhāve siddhepi sikkhitabbarahitesu tesupi sekkhapariyāyassa vuccamānattā sikkhitabbasaddena sekkhe visesetvā vuttā. Āsavakkhayatthaṃ sikkhitabbassa abhāvepi diṭṭhadhammasukhavihāratthaṃ jhānādisikkhanena vinā sikkhitabbābhāvā ‘‘asekkhā nāmā’’ti vuttā. Buddhānaṃ pana sabbaso sammadeva pariniṭṭhitasikkhattā ‘‘sikkhāmī’’ti na vuttaṃ. Ānāpānajjhānaphalasamāpatti tathāgatavihāro.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁. ဣစ္ဆာနင္ဂလသုတ္တံ • 1. Icchānaṅgalasuttaṃ
၂. ကင္ခေယ္ယသုတ္တံ • 2. Kaṅkheyyasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၂. ဣစ္ဆာနင္ဂလသုတ္တာဒိဝဏ္ဏနာ • 1-2. Icchānaṅgalasuttādivaṇṇanā
