| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၈. ဟိရီသုတ္တဝဏ္ဏနာ
8. Hirīsuttavaṇṇanā
၁၈. နိသေဓေတီတိ နိဝာရေတိ ပဝတ္တိတုံ န ဒေတိ။ ပုစ္ဆတိ ဒေဝတာ။ အပဟရန္တောတိ အပနေန္တော, ယထာ သဗ္ဗေန သဗ္ဗံ အက္ကောသဝတ္ထု န ဟောတိ, ဧဝံ ပရိဟရန္တောတိ အတ္ထော။ ဗုဇ္ဈတိ သာရထိဝိဓံ။ အတ္တနိ နိပာတံ န ဒေတိ, အာဇာနီယော ဟိ ယုတ္တံ ပဇာနာတိ။ အဘူတေန အဘူတက္ကောသေန ပရိမုတ္တော နာမ နတ္ထိ ဗာလာနဉ္စ ဇနာနံ ပရာပဝာဒေ ယုတ္တပယုတ္တဘာဝတော။ တေနာဟ ဘဂဝာ –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘နိန္ဒန္တိ တုဏ္ဟိမာသီနံ၊ နိန္ဒန္တိ ဗဟုဘာဏိနံ။
‘‘Nindanti tuṇhimāsīnaṃ, nindanti bahubhāṇinaṃ;
မိတဘာဏိမ္ပိ နိန္ဒန္တိ၊ နတ္ထိ လောကေ အနိန္ဒိတော’’တိ။ (ဓ. ပ. ၂၂၇)။
Mitabhāṇimpi nindanti, natthi loke anindito’’ti. (dha. pa. 227);
တနုယာတိ ဝာ ကတိပယာ။ တေနာဟ ‘‘အပ္ပကာ’’တိ။ သဒာ သတာတိ ဟိရိနိသေဓဘာဝေ ကာရဏဝစနံ။ ပပ္ပုယ္ယာတိ ပတ္ဝာ အဓိဂန္တ္ဝာ။ ဝာနတော နိက္ခန္တတ္တာ နိဗ္ဗာနံ, အသင္ခတဓာတု။
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ဟိရီသုတ္တဝဏ္ဏနာ နိဋ္ဌိတာ။
Hirīsuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၈. ဟိရီသုတ္တံ • 8. Hirīsuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၈. ဟိရီသုတ္တဝဏ္ဏနာ • 8. Hirīsuttavaṇṇanā
