| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៨. ហិរីសុត្តវណ្ណនា
8. Hirīsuttavaṇṇanā
១៨. និសេធេតីតិ និវារេតិ បវត្តិតុំ ន ទេតិ។ បុច្ឆតិ ទេវតា។ អបហរន្តោតិ អបនេន្តោ, យថា សព្ពេន សព្ពំ អក្កោសវត្ថុ ន ហោតិ, ឯវំ បរិហរន្តោតិ អត្ថោ។ ពុជ្ឈតិ សារថិវិធំ។ អត្តនិ និបាតំ ន ទេតិ, អាជានីយោ ហិ យុត្តំ បជានាតិ។ អភូតេន អភូតក្កោសេន បរិមុត្តោ នាម នត្ថិ ពាលានញ្ច ជនានំ បរាបវាទេ យុត្តបយុត្តភាវតោ។ តេនាហ ភគវា –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘និន្ទន្តិ តុណ្ហិមាសីនំ, និន្ទន្តិ ពហុភាណិនំ;
‘‘Nindanti tuṇhimāsīnaṃ, nindanti bahubhāṇinaṃ;
មិតភាណិម្បិ និន្ទន្តិ, នត្ថិ លោកេ អនិន្ទិតោ’’តិ។ (ធ. ប. ២២៧);
Mitabhāṇimpi nindanti, natthi loke anindito’’ti. (dha. pa. 227);
តនុយាតិ វា កតិបយា។ តេនាហ ‘‘អប្បកា’’តិ។ សទា សតាតិ ហិរិនិសេធភាវេ ការណវចនំ។ បប្បុយ្យាតិ បត្វា អធិគន្ត្វា។ វានតោ និក្ខន្តត្តា និព្ពានំ, អសង្ខតធាតុ។
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
ហិរីសុត្តវណ្ណនា និដ្ឋិតា។
Hirīsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៨. ហិរីសុត្តំ • 8. Hirīsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៨. ហិរីសុត្តវណ្ណនា • 8. Hirīsuttavaṇṇanā
