| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๘. หิรีสุตฺตวณฺณนา
8. Hirīsuttavaṇṇanā
๑๘. นิเสเธตีติ นิวาเรติ ปวตฺติตุํ น เทติฯ ปุจฺฉติ เทวตาฯ อปหรโนฺตติ อปเนโนฺต, ยถา สเพฺพน สพฺพํ อโกฺกสวตฺถุ น โหติ, เอวํ ปริหรโนฺตติ อโตฺถฯ พุชฺฌติ สารถิวิธํฯ อตฺตนิ นิปาตํ น เทติ, อาชานีโย หิ ยุตฺตํ ปชานาติฯ อภูเตน อภูตโกฺกเสน ปริมุโตฺต นาม นตฺถิ พาลานญฺจ ชนานํ ปราปวาเท ยุตฺตปยุตฺตภาวโตฯ เตนาห ภควา –
18.Nisedhetīti nivāreti pavattituṃ na deti. Pucchati devatā. Apaharantoti apanento, yathā sabbena sabbaṃ akkosavatthu na hoti, evaṃ pariharantoti attho. Bujjhati sārathividhaṃ. Attani nipātaṃ na deti, ājānīyo hi yuttaṃ pajānāti. Abhūtena abhūtakkosena parimutto nāma natthi bālānañca janānaṃ parāpavāde yuttapayuttabhāvato. Tenāha bhagavā –
‘‘นินฺทนฺติ ตุณฺหิมาสีนํ, นินฺทนฺติ พหุภาณินํ;
‘‘Nindanti tuṇhimāsīnaṃ, nindanti bahubhāṇinaṃ;
มิตภาณิมฺปิ นินฺทนฺติ, นตฺถิ โลเก อนินฺทิโต’’ติฯ (ธ. ป. ๒๒๗);
Mitabhāṇimpi nindanti, natthi loke anindito’’ti. (dha. pa. 227);
ตนุยาติ วา กติปยาฯ เตนาห ‘‘อปฺปกา’’ติฯ สทา สตาติ หิรินิเสธภาเว การณวจนํฯ ปปฺปุยฺยาติ ปตฺวา อธิคนฺตฺวาฯ วานโต นิกฺขนฺตตฺตา นิพฺพานํ, อสงฺขตธาตุฯ
Tanuyāti vā katipayā. Tenāha ‘‘appakā’’ti. Sadā satāti hirinisedhabhāve kāraṇavacanaṃ. Pappuyyāti patvā adhigantvā. Vānato nikkhantattā nibbānaṃ, asaṅkhatadhātu.
หิรีสุตฺตวณฺณนา นิฎฺฐิตาฯ
Hirīsuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๘. หิรีสุตฺตํ • 8. Hirīsuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๘. หิรีสุตฺตวณฺณนา • 8. Hirīsuttavaṇṇanā
